تۇركى الەمىن ناسيحاتتاعان جۋرناليستەرگە يسمايل گاسپىرالى سىيلىعى تاپسىرىلدى

تۇركىستان. قازاقپارات - تۇركىستاندا تۇركى الەمىن ءبىر- بىرىنە جانە الەم جۇرتشىلىعىنا ناسيحاتتاعان ب ا ق وكىلدەرى ماراپاتتالدى.

حالىقارالىق تۇركى اكادەمياسى تاعايىنداعان يسمايل گاسپىرالى اتىنداعى حالىقارالىق مەديا سىيلىق ءبىرقاتار مەملەكەتتەردىڭ جۋرناليستەرىنە تابىستالدى.

اتاپ ايتقاندا، تۇركيالىق «Yeniçağ» گازەتىنىڭ ساراپشىسى كۇرشاد زورلۋ، ازەربايجاننىڭ بەلگىلى قالامگەر- جۋرناليسى ايدا ەيۆازوۆا، «قازاقپارات» حالىقارالىق اقپارات اگەنتتىگىنىڭ باس ديرەكتورى اسقار وماروۆ پەن تۇركيالىق NTV ارناسىنىڭ باعدارلاما رەداكتورى احمەت يەشيلتەپە مەديا سىيلىقتىڭ العاشقى يەگەرلەرى اتاندى.

سونداي-اق باسقوسۋدا تۇركى كەڭەسىنىڭ جوبا جەتەكشىسى دجەيحۋن شاحۆەرديەۆ، «TRT- Avaz»  تەلەارناسىنىڭ ديرەكتورى مۇرات اككوچ، باس كەڭسەسى بريۋسسەل قالاسىندا ورنالاسقان «EURELIZ» مەديا جانە ستراتەگيالىق كوممۋنيكاتسيالار كومپانياسىنىڭ ديرەكتورى، جۋرناليست ەلي حادجيەۆا، قىرعىزستاندىق «Kabar» ۇلتتىق اقپارات اگەنتتىگى ديرەكتورىنىڭ ورىنباسارى تىنچتىك كارىمشاكوۆ، تۇركيالىق «NTV» تەلەارناسىنىڭ باعدارلاما رەداكتورى احمەت يەشيلتەپەنىڭ قاتىسۋىمەن ەكىنشى وتىرىس ءوتتى.

وندا تۇركىتىلدەس مەملەكەتتەر اراسىندا اقپارات الماسۋدىڭ تيىمدىلىگىن ارتتىرۋ ماقساتىندا فورۋمعا كەلگەن بۇقارالىق اقپارات قۇرالدارىنىڭ وكىلدەرى ءوزارا تاجىريبە الماسىپ، الداعى ۋاقىتتا تىعىز قارىم- قاتىنىستا جۇمىس جاساسۋ تۋرالى كەلىسىمگە كەلدى.

اۆتور: اينۇر اقبايەۆا