قىتاي اقشاسىن قۇنسىزداندىردى

استانا. قازاقپارات - قىتايدىڭ قارجى بيلىگى جەرگىلىكتى ەكسپورتتاۋشىلارعا بەرگەن ۋادەسىندە تۇرىپ، ءتول ۆاليۋتالارىن قۇنسىزداندىردى.

سارسەنبى كۇنى تاڭەرتەڭ ساۋدا نارىعىندا قىتاي يۋانىنىڭ ا ق ش دوللارىنا شاققانداعى باعامى بيىلعى كوكتەمدەگى ەڭ تومەنگى مەجەسىنە ءتۇستى. ەلدىڭ ۇلتتىق بانكى كاپيتالدىڭ جىلىستاۋىن توقتاتۋ جانە ماۋسىم ايىندا ا ق ش دوللارىنىڭ نىعايۋى مۇمكىندىگىنەن يۋاندى ساقتاندىرۋ ماقساتىندا باقىلاناتىن دەۆالۆاتسيا جاساۋ تۋرالى شەشىم قابىلدادى.

10 -مامىر كۇنى ق ح ر- دىڭ ۇلتتىق ۆاليۋتاسىنىڭ باعامى ءبىر ا ق ش دوللارى ءۇشىن 7,12 يۋاندى قۇرادى.

ال كەشە ەلدىڭ ۇلتتىق بانكى يۋاننىڭ باعامىن 6,90 عا دەيىن السىرەتتى. بۇل سوڭعى ەكى ايداعى ەڭ تومەنگى كورسەتكىش، دەپ حابارلايدى Bloomberg.

قىتاي بيلىگى ەل ىشىندەگى كاپيتال اعىنىن باسقارۋ ماقساتىندا سوڭعى ەكى جىل بويى جوسپارلى تۇردە باقىلاناتىن دەۆالۆاتسيا وتكىزىپ كەلەدى. ماسەلەن، 2015 -جىلى يۋاننىڭ ءبىر دوللارعا باعامى - 6 پايىزعا، 2016 -جىلى 6,7 پايىزعا تومەندەدى. ق ح ر- دىڭ 2017 -جىلى ۇلتتىق ۆاليۋتانى قۇنسىزداندىرۋى، سونداي-اق كاپيتالدىڭ جىلىستاۋىمەن بايلانىستى.

اۆتور: ميرا تولەندى قىزى