گولوۆكين قازاقستاندىقتاردى بۇگىنگى مەرەكەمەن قۇتتىقتاي وتىرىپ، وتانداستارىن كانەلومەن وتەتىن ايقاس تۋرالى جاقسى جاڭالىعىمەن قۋانتتى.
«قازاقستاندىقتاردى وتان قورعاۋشىلار كۇنىمەن قۇتتىقتايمىن! ءدال وسى كۇنى وتانداستارىمىزدى كانەلومەن بولاتىن الداعى ۇلكەن ايقاس تۋرالى جاقسى جاڭالىقپەن قۋانتا العانىمىزعا ءدان ريزامىن. قولداۋ تانىتقاندارىڭىز ءۇشىن العىسىم شەكسىز»، - دەدى گولوۆكين.
ەسكە سالايىق، 6- مامىر كۇنى لاس-ۆەگاس قالاسىندا ورتا سالماقتاعى بۇرىنعى الەم چەمپيونى كىشى حۋليو سەزار چاۆەس پەن WBO نۇسقاسى بويىنشا الەم چەمپيونى ساۋل «كانەلو» الۆارەس ايقاسىپ، ۇپاي سانىمەن «كانەلو» جەڭىمپاز اتاندى.
وسى كەشتە مەكسيكالىق بوكسشى الۆارەس قازاقستاندىق گەننادي گولوۆكينمەن 16- قىركۇيەك كۇنى جۇدىرىقتاساتىنىن مالىمدەدى.