ەكسپودا رۋمىندار الەمدەگى ەڭ قۋاتتى لازەردى تانىستىرادى
رۋمىندىقتاردىڭ پاۆيلونى جارىق ەنەرگياسىنا ارنالادى. وسىعان وراي، ورتالىق ماماندارى الدىمەن ەۋروپانىڭ («ەكسترەمالدى جارىقتىڭ ينفراقۇرىلىمى») اتتى جوباسىن تانىستىردى.
سونىڭ اياسىندا الەمدەگى ەڭ قۋاتتى لازەردى قۇراستىرۋ جوسپارلانعان. ءدال وسى لازەردىڭ ۇلگىسى استاناداعى «ەكسپو-2017» حالىقارالىق كورمەسىندە كورسەتىلەدى.
اتالعان قۇرىلعى رۋمىن پاۆيلونىنىڭ باستى ەلەمەنتى بولادى. ايتا كەتەيىك، بۋحارەستتە وتكەن شاراعا قازاقستاننىڭ رۋمىنياداعى توتەنشە جانە وكىلەتتى ەلشىسى داۋلەت باتىرشايەۆ، يادرولىق ينجينەريا جانە فيزيكا بويىنشا ۇلتتىق عىلىمي-زەرتتەۋ ينستيتۋتىنىڭ ديرەكتورى، اكادەميك نيكولاە زەمفير، قازاقستان-رۋمىنيا ەكى جاقتى ساۋدا-ونەركاسىپ پالاتاسىنىڭ پرەزيدەنتى، گالاتسە قالاسىنداعى قازاقستاننىڭ قۇرمەتتى كونسۋلى گالاتسە پەترۋ ليفيچيۋ، عالىمدار مەن كاسىپكەرلەر قاتىستى.