قارۋلى كۇشتەرىمىز ءار ۋاقىتتا تاۋەلسىزدىگىمىزدىڭ باستى تىرەگى بولىپ قالا بەرەدى - ەلباسى
بۇل تۋرالى بۇگىن ق ر قارۋلى كۇشتەرىنىڭ 25 جىلدىعى مەن جەڭىس كۇنىنە ارنالعان اسكەري شەرۋ بارىسىندا ەلباسى نۇرسۇلتان نازاربايەۆ ايتتى، دەپ حابارلايدى قازاقپارات.
«قارۋلى كۇشتەرىمىز ءار ۋاقىتتا دا تاۋەلسىزدىگىمىزدىڭ باستى تىرەگى بولىپ قالا بەرەدى. سىزدەر وزدەرىڭىزدىڭ قاسيەتتى بورىشتارىڭىزدى ادال اتقارىپ، تۋعان جەرىمىزدىڭ تىنىشتىعىن قورعاڭىزدار، وزدەرىڭىزدىڭ كاسىبي شەبەرلىكتەرىڭىزدى، جاۋىنگەرلىك داعدىلارىڭىزدى ارتتىرىپ، جاۋىنگەرلىك باۋىرلاستىق پەن بىرلىكتى نىعايتىڭىزدار. مەرەيتويلىق شەرۋدىڭ قازاقستاندىق ارميانىڭ اسكەري قۋاتىن، جوعارى رۋحىن كورسەتەتىندىگىنە سەنىمدىمىن»، - دەدى ەلباسى.
سونىمەن قاتار مەملەكەت باسشىسى اسكەري قىزمەتشىلەردى باتىر بابالارىمىزدىڭ ەرلىك جولىن ودان ارى جالعاستىرۋعا شاقىرىپ، ەكىنشى دۇنيەجۇزىلىك سوعىس ارداگەرلەرىنە ريزاشىلىعىن ءبىلدىردى.
«بولاشاق ۇرپاق ءۇشىن تاۋەلسىز قۋاتتى قازاقستاندى قۇرۋعا مۇمكىنشىلىك جاساعاندارىڭىز ءۇشىن بارلىق ارداگەرلەرگە شىنايى ريزاشىلىعىمدى بىلدىرەمىن. ءبىزدىڭ ەلىمىزدىڭ قارۋلى كۇشتەرى سىزدەردىڭ جاۋىنگەرلىك داڭقتارىڭىزدى جالعاستىرۋشىلار، اكەلەرىمىز بەن اتالارىمىزدىڭ ەرلىك ءداستۇرىن جالعاستىرۋشىلاردىڭ سيمۆولى. وتاندى قورعاۋ جانە ونىڭ قاۋىپسىزدىگىنە قامقورلىق تانىتۋ - ەلىمىزدىڭ ءاربىر ازاماتىنىڭ بورىشى ءارى مىندەتى»، - دەدى مەملەكەت باسشىسى.
اۆتور: مارلان جيەمباي