ەلباسى وتان قورعاۋشى كۇنىن مەرەكەلەۋگە ارنالعان كونسەرتكە قاتىستى - فوتو، كەسكىن
كونسەرتتىك كەش قازاقستان قارۋلى كۇشتەرىنىڭ 25 جىلدىعىنا ارنالعان دەرەكتى فيلم كورسەتۋدەن باستالدى. باعدارلاماعا قارۋلى كۇشتەردىڭ بارلىق اسكەر تۇرلەرىنىڭ شىعارماشىلىق ۇجىمدارى، رەسپۋبليكالىق «جاس ۇلان» مەكتەبى مەن مامانداندىرىلعان «ارىستان» ليتسەيىنىڭ تاربيەلەنۋشىلەرى، سونداي-اق قارۋلى كۇشتەر ورتالىق ءانسامبلى مەن ۇلتتىق اسكەري-پاتريوتتىق ورتالىقتىڭ اسكەري وركەسترى قاتىستى.
كونسەرتتە قازاقستان ارمياسىنىڭ جەتىستىكتەرى تۋرالى اندەر شىرقالىپ، فولكلورلىق مۋزىكالىق شىعارمالار ورىندالدى، سونداي-اق ءار كەزەڭنىڭ قاھارماندارىن ۇلىقتاۋعا ارنالعان حورەگرافيالىق كومپوزيتسيا كورسەتىلدى.
سونىمەن قاتار، ا. الەكساندروۆ اتىنداعى رەسەي اسكەرى ءانسامبلىنىڭ جەتەكشى سوليسى ب. دياكوۆ، قىتاي قورعانىس مينيسترلىگىنىڭ اندەر مەن بيلەر ءانسامبلىنىڭ جەتەكشى سوليسى ۆ. ليد، ۇلتتىق اسكەري-پاتريوتتىق ورتالىقتىڭ اسكەري وركەسترىنىڭ جەتەكشى سوليسى ا. جىلتىركوزوۆ ونەر كورسەتتى.