جاپونيا قازاقستاندىق ازاماتتار ءۇشىن كەلۋ ۆيزاسىن راسىمدەۋدى جەڭىلدەتپەك
بۇل تۋرالى ق ر سىرتقى ىستەر ءمينيسترى قايرات ءابدىراحمانوۆ پەن جاپونيانىڭ سىرتقى ىستەر ءمينيسترى فۋميو كيسيدونىڭ كەزدەسۋى بارىسىندا ءمالىم بولدى، دەپ حابارلايدى ق ر ۇكىمەتىنىڭ باسپا ءسوز قىزمەتى.
كەزدەسۋ بارىسىندا سۇحباتتاسۋشىلار ق ر پرەزيدەنتى نۇرسۇلتان نازاربايەۆتىڭ 2016-جىلعى قاراشادا جاپونياعا مەملەكەتتىك ءىس ساپارى شەڭبەرىندە قول جەتكىزگەن كەلىسىمدەردى جۇزەگە اسىرۋ بارىسىن قاراستىرىپ، سونداي-اق، ەكىجاقتى ىنتىماقتاستىقتىڭ قازىرگى احۋالى مەن بولاشاقتاعى باعىتىن، كوپجاقتى فورماتتاعى ءوزارا ارەكەتتەسۋ، سونىڭ ىشىندە ب ۇ ۇ قاۋىپسىزدىك كەڭەسى جۇمىسى اياسىنداعى كۇشتەردى ۇيلەستىرۋدى قوسا تالقىلادى.
قازاقستاننىڭ سىرتقى ىستەر مينيسترلىگىنىڭ باسشىسى جاپوندىق ارىپتەسىن قازاقستاننىڭ ساۋدا-ەكونوميكالىق، ينۆەستيتسيالىق، ترانزيتتىك-كولىكتىك ساياساتىنىڭ باسىمدىقتارىمەن تانىستىردى.
جاپونيا ءمينيسترى ەكىجاقتى فورماتتاعى ءوزارا ارەكەتتەسۋدى قوزعاۋ كەزىندە ق ر پرەزيدەنتى نۇرسۇلتان نازاربايەۆتىڭ «نۇرلى جول» مەملەكەتتىك باعدارلاماسىنىڭ، سونىڭ ىشىندە ەلىمىزدىڭ كولىكتىك-ترانزيتتىك الەۋەتىنىڭ تارتىمدىلىعى مەن ونىڭ وزەكتىلىگىن اتاپ ءوتتى.
استانادا وتەتىن «ەكسپو-2017» مامانداندىرىلعان كورمەسىندە جاپونيا ءوزىنىڭ جاڭا تەحنولوگيالىق زەرتتەۋلەرىن ۇسىنادى.