الماتىلىقتار قازاق ۇلتتىق كيىمدەرىنىڭ مەرەكەسىن اتاپ وتۋدە - فوتو

استانا. قازاقپارات - الماتىلىقتار قازاق ۇلتتىق كيىمدەرىنىڭ مەرەكەسىن اتاپ وتۋدە، دەپ حابارلايدى قازاقپارات ءتىلشىسى.

الماتىنىڭ ارباتى الۋان ءتۇرلى تۇستەرگە كومكەرىلدى. ول ءساۋىردىڭ سوڭعى دەمالىس كۇندەرى قازاقتىڭ سالت- داستۇرىنە قانىققان ورتالىق كوشەگە اينالدى.

مۇندا «الماتى قولونەر پالاتاسى» قوعامدىق قورى وكىلدەرىنىڭ جارمەڭكەسى ورنالاسقان. ال كوشەنىڭ قاق ورتاسىندا كيىز ۇيلەر بوي كوتەرگەن. شارانىڭ ەڭ اسەرلى بولىگى - ۇلتتىق كيىمدەر مەرەكەسى.



ارتىستەر جۇرتشىلىققا قازاقتىڭ ادەت- عۇرپىن كورسەتۋدە، ال قولونەرشىلەر كيىزدەن جاسالعان بۇيىمداردى، مۋزىكالىق اسپاپتاردى، كەستەلەر مەن ويىنشىقتار ۇسىنۋدا.



«قازاقتىڭ ۇلتتىق كيىمى، ءداستۇرى بۇگىندە الەمگە ايگىلى برەندكە اينالۋدا. كوشپەندى اتا- بابامىزدىڭ كيىمى الەمدىك ءسان ۇلگىسىنە ايتارلىقتاي ىقپال ەتكەنىنە قاراماستان، وكىنىشكە قاراي، ءبىز ءوز كيىمدەرىمىز تۋرالى ەشتەڭە بىلمەيمىز. نەگىزىنەن، شاپانداردىڭ وزىندە ويۋلاردىڭ ءتۇرلى كەسكىنى بولعان. ءبىراق ءبىز سولاردىڭ بىرىنە عانا - 30- جىلداردان كەيىن جوعارىدان تۇسكەن بۇيرىق بويىنشا تارالعان ءىرى التىن تۇستەس ويۋعا ۇيرەنگەنبىز. قازىر ارحيۆتەر مەن مۋزەيلەردىڭ كومەگىمەن ۇلتتىق كيىم- كەشەكتىڭ جاڭا دەرەكتەرىن اشۋ ۇستىندەمىز»، - دەيدى تاريحشى، جازۋشى، ۇلى دالا مۇراسىن ناسيحاتتاۋشى ارمان نۇرمۇحامبەتوۆ.

«قازاق ۇلتتىق كيىمدەرىنىڭ مەرەكەسى العاشقى جىلدان-اق حالىقارالىق سيپاتقا يە بولدى. بۇل كۇنى وتانداستارىمىزدى ءداستۇرلى قازاق كيىمىن كيىپ جۇرۋگە شاقىرامىز. بەلگيا، ا ق ش، قىتايداعى وتانداستارىمىز ۇلتتىق كيىمدى ماقتانىشپەن كيىپ ءجۇردى. وسى كۇنى ورالدا «قازاقتەلەكومنىڭ» قىزمەتكەرلەرى، باسشىلىقتى قوسا العاندا تۇگەل ۇلتتىق كيىمدە جۇمىس ىستەدى»، - دەپ اتاپ ءوتتى ول. نە دەگەنمەن، باستاما اۆتورلارى وتكەنمەن ءومىر سۇرۋگە شاقىرمايدى. «بىلەسىزدەر مە، ۋاقىت ءبىر ورنىندا تۇرمايدى جانە ۇلتتىق ورنامەنتتەردى كۇندەلىكتى كيىمنىڭ ديزاينىنا ەنگىزۋ بولادى»، - دەيدى ارمان نۇرمۇحامبەتوۆ.