تۇنگى نوسەردەن الماتى ۇيلەرىن سۋ باستى - كەسكىن
09:31, 28 - ءساۋىر 2017
استانا. قازاقپارات - الماتىدا تولاسسىز جاۋعان نوسەردەن بولعان توتەنشە جاعداي سالدارىن جويۋ جۇمىستارى بەلسەندى ءجۇرىپ جاتىر، دەپ حابارلادى ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ.
سۋ باسقان كوشەلەردە قۇتقارۋشىلار مەن جەرگىلىكتى اتقارۋشى ورگاندار سۋ سورعىتۋ جۇمىستارىن اتقارۋدا. 2017 -جىلدىڭ 28 -ساۋىرىندە ساعات 00:15 تە الماتىدا جاۋعان مول جاڭبىر سالدارىنان 60 سۋ باسۋ جاعدايى تىركەلدى.
اتاپ ايتقاندا، 11 جەكە تۇرعىن ءۇيدى سۋ باسقان، 37 اۋلانى جانە 9 كوشەنى، «ازيا» بازارى اۋماعىنداعى 3 نىساندى، «الماتى وپتيكا» دۇكەنى (المالى اۋدانى) مەن «بوتاگوز» جەكە بالاباقشاسى اۋماعىن سۋ باستى. الاتاۋ اۋدانىنداعى ساماننان سالىنعان باسپانا قيرادى.
ت ج دەپارتامەنتى مەن قۇتقارۋ قىزمەتى بىرلەسىپ، سۋ سورعىتۋ جۇمىستارىن ىسكە اسىرىپ جاتىر. وعان 50 ادام، 20 دانا تەحنيكا، 24 موتوپومپا جۇمىلدىرىلدى. قازا تاپقاندار مەن زارداپ شەككەندەر جوق.