شىمكەنتتىك اسابا توقال العاندارعا سىياقى بەرۋدى ۇسىندى

استانا. قازاقپارات - تالاي تويدى باسقارىپ، كوپشىلىكتىڭ قۋانىشىنا ورتاقتاسقان وڭتۇستىككە تانىمال اسابا كەنجەحان دۇيسەنبى توقال العاندارعا 100 مىڭ تەڭگە سىياقى بەرۋدى ۇسىندى.

ونىڭ ايتۋىنشا تويدا ءجۇرىپ كۇيەۋىنەن اجىراسقان جانە جەسىر كەلىنشەكتەردى كوپتەپ كەزدەستىرەدى ەكەن. سوندىقتان دا ول وسى ويىن كوپشىلىكپەن ءبولىسۋدى ءجون ساناپتى. بۇل تۋرالى jasqazaq.kz حابارلادى.

«بىزدە ەكىنشى ايەل الۋعا زاڭ تۇرعىسىندا رۇقسات جوق. الايدا جاعدايى بارلار الىپ جاتقانىننا ءبارىمىز كۋامىز. مەنىڭشە تىعىلىپ- قاشىپ ءجۇرىپ باسقا ايەلگە بارىپ، زينا جاساعاننان گورى مەملەكەت ەكىنشى ايەل الۋعا زاڭ تۇرعىسىندا رۇقسات بەرۋى كەرەك. سونىمەن قاتار بويىندا قۋاتى بار كەيبىر جىگىتتەر ەكىنشى ايەل العىسى كەلگەنىمەن ماتەريالدىق جاعدايى جوق. سەبەبى شاريعاتتا ەكى ايەلگە تەڭدەي قاراۋ كەرەك دەلىنگەن. بىرەۋىنە ءۇي الىپ بەردىڭ بە، ەكىنشىسىنە تۋرا سولاي جاساۋ قاجەت. سوندىقتان دا مەنىڭ ويىمشا ەكىنشى ايەل الىپ، حالىق سانىن كوبەيتكىسى كەلەتىندەرگە مەملەكەتتەن سۋبسيديا بەرىلسە دەيمىن. سۋبسيديا كولەمى شامامەن ايىنا 100 مىڭ تەڭگە كولەمىندە بولسا، ول تەك بالا دۇنيەگە كەلگەن سوڭ بەرىلۋى ءتيىس دەپ ويلايمىن. كەيىن كومەك ءار بالاعا تاعى 50 مىڭ تەڭگەدەن كوبەيىپ وتىرسا دەيمىن. حالىق سانىن كوبەيتۋ ءۇشىن سۋبسيديا جاعى قاراستىرىلعان دۇرىس دەپ ويلايمىن» ، - دەپ ءسوزىن تۇيگەن كەنجەحان دۇيسەنبييەۆ بۇل ۇسىنىسى قولداۋ تاپسا، ءوزى دە ەكىنشى ايەل الۋعا دايىن ەكەنىن جەتكىزدى.

سونىمەن قاتار اسابانىڭ ايتۋىنشا، ەكىنشى ايەلگە بەرىلەتىن سىياقى بايبىشەنىڭ قىزعانىشىن تۋدارمايدى.