ەلوردالىق مەملەكەتتىك سوت ورىنداۋشىلارى اليمەنت تولەمەيتىندەردىڭ كولىكتەرىن تاركىلەي باستادى. باسپا ءسوز قىزمەتىنىڭ مالىمەتىنشە، ادىلەت دەپارتامەنتىندەگى مەملەكەتتىك سوت ورىنداۋشىلارى 139 كولىككە ىزدەۋ جاريالادى.
«مەملەكەتتىك سوت ورىنداۋشىلارىنىڭ كولىك قۇرالدارىن ىزدەستىرۋ تۋرالى قاۋلىسى ورىندالۋ ءۇشىن استانا قالالىق ءىىد اكىمشىلىك پوليتسيا باسقارماسىنا جانە جەرگىلىكتى پوليتسيا قىزمەتىنە جىبەرىلدى»، - دەدى ادىلەت دەپارتامەنتى باسشىسىنىڭ ورىنباسارى ارىنعازىنوۆ.
رەسمي مالىمەتتەرگە سۇيەنسەك، 19 كولىك تاركىلەنگەن. «ءبىر كولىك قۇرالى بورىشكەردىڭ كەلىسىمىمەن ءوندىرىپ الۋشىعا جىبەرىلدى. ونىڭ 1 ميلليون تەڭگە كولەمىندە قارىزى بار. وسى جىلدىڭ 26 -ساۋىرىندە ايەل ادامنىڭ كولىگى تاركىلەندى. ونىڭ 2014 -جىلدىڭ قىركۇيەگىنەن بەرى كامەلەتكە تولماعان ەكى بالاسىنىڭ اليمەنتىن تولەمەگەنى بەلگىلى بولدى. اليمەنت كولەمى - 1191754 تەڭگە»، - دەدى استانانىڭ ادىلەت دەپارتامەنتىندەگىلەر.
Tengrinews.kz