مۇحامەدي ۇلى الدىمەن كونسەرت بەرگەن ديماش قۇدايبەرگەنگە ۇلكەن ريزاشىلىعىن ءبىلدىردى.
«دوستارىم، كەشە استانادا وتكەن سالتاناتتى كەشتە قىتايدىڭ بەدەلدى «I am a singer» جوباسىندا جاسىنداي جارقىلداعان تالانتتى ءانشىمىز ديماش قۇدايبەرگەنگە ۇلكەن قۇرمەت كورسەتتىك. ءبىز ديماشتى جاقسى كورەتىن جانە ونى ءسۇيىپ تىڭدايتىن تىڭدارماندارى ءۇشىن «قازاقستان» كونسەرتتىك زالىنا تەگىن كىرۋگە مۇمكىندىك بەردىك جانە نيەت تانىتقان بارلىق جۇرتتى كونسەرتتى تاماشالاۋعا شاقىردىق. ديماش قۇدايبەرگەن كەشە كەرەمەت كونسەرت وتكىزىپ بەرىپ، اتا- اناسىمەن ءان شىرقادى، ءوز جەڭىسىن اتاسى مەن اپاسىنا ارنادى. ديماشتى كورۋگە كەلگەن، ونى قولداپ، قوشامەتتەگەن بارلىق ادامدارعا العىسىمدى ايتامىن. تىعىز گرافيككە، الىس جولعا قاراماستان، قىتايدان كەلە سالا، قىتايدا قولداۋ كورسەتكەن تىڭدارماندارىنا سىي- قۇرمەت رەتىندە، ەڭ العاشقى كونسەرتىن استانادا وتكىزۋگە كەلىسىمىن بەرگەنىنە ديماشقا ارنايى ريزاشىلىعىمىزدى بىلدىرەمىز!»، - دەپ اتاپ ءوتتى ول.
«ورىن العان وقيعاعا كەلەتىن بولساق. وتە وكىنىشتى جاعداي بولدى. ەشكىم دە ازاماتتاردىڭ، سونىڭ ىشىندە جۋرناليستەردىڭ ءىس- ارەكەت ەركىندىگىن شەكتەۋگە قۇقىق جوق. قاۋىپسىزدىك قىزمەتىنىڭ مۇنداي قىلىعى ارينە جوسىقسىز. تاڭەرتەڭ مەن قاقتىعىس قاتىسۋشىلارىنا قاتىستى قاتاڭ شارا قولدانۋدى بۇيىردىم جانە «قازاقستان» ورتالىق كونسەرت زالىنىڭ باسشىلىعى اتالعان قاۋىپسىزدىك قىزمەتىنىڭ وكىلدەرى جۇمىستان قۋىلعانىن حابارلادى.
ءسوز جوق، بۇل EXPO-2017 كورمەسىنىڭ قارساڭىندا ماڭىزدى قورىتىندى شىعارۋىمىزعا تۇرتكى بولدى. ۇيىمداستىرۋ جاعىنان ءبىز ەندى مۇنداي وقيعالاردىڭ ەندى ورىن الماۋى ءۇشىن قاجەتتى شارالاردى كۇشەيتەمىز. ال ديماشتىڭ كونسەرتىن ۇيىمداستىرۋ كەزىندە بۇدان بىلاي سىيىمدىراق الاڭداردى تاڭدايتىن بولامىز»، - دەدى مينيستر.
اۆتور: جاسۇلان جولدىبايەۆ