ول شيەلى اۋدانى سۇلۋتوبە اۋىلدىق وكرۋگىنە قاراستى 15-بەكەتتە مال شارۋاشىلىعىمەن اينالىسقان. اياقاستى اۋىرعان ول 24 -ءساۋىر كۇنى تۇندە قىزىلوردا وبلىستىق جۇقپالى اۋرۋلار اۋرۋحاناسىنا تۇسكەنىمەن، جاعدايى وڭالماي، ءبىر تاۋلىكتەن كەيىن قايتىس بولدى.
جالپى، بيىل جىل باسىنان بەرى وبلىس بويىنشا بارلىعى 97 كەنە شاعۋ جاعدايى تىركەلدى. وتكەن جىلدىڭ العاشقى ءتورت ايىندا 292 كەنە شاعۋ جاعدايى تىركەلىپ، ك ق گ ق- نا كۇدىكتى 1 جاعداي انىقتالعان بولاتىن.
وبلىستىق قوعامدىق دەنساۋلىق ساقتاۋ دەپارتامەنتى باسشىسىنىڭ مىندەتىن اتقارۋشى ۇ. احانايەۆانىڭ ايتۋىنشا، بيىل ايماقتا ك ق گ ق- نان قولايسىز 117 ەلدى ءوڭىر ءتىزىمى جاساقتالعان. ونىڭ ىشىندە 28 ەلدى مەكەن شيەلى اۋدانىندا تىركەلىپ وتىر.
«بەكىتىلگەن كەستەگە سايكەس 10 -ساۋىردەن باساپ شيەلى، جاڭاقورعان اۋداندارىندا كەنەگە قارسى وڭدەۋ، زالالسىزداندىرۋ جۇمىستارى اياقتالدى. 25 -ساۋىردەن باستاپ قىزىلوردا قالاسىنداعى 7 قولايسىز ەلدى مەكەندە زالالسىزداندىرۋ جۇمىستارى باستالدى»، - دەيدى احانايەۆا.