قازاقستاندا ورىس ءتىلدى اقپارات قۇرالدارى ازايۋدا

ال ورىسشا سويلەي الاتىن ازاماتتار سانى 2015 -جىلى 0,6 پايىز  ازايىپ، 89,4 پايىزعا تومەندەدى، دەپ حابارلايدى ranking.kz.

الدىن الا بولجام بويىنشا، 2025 -جىلعا قاراي قازاقستاندىقتاردىڭ 95 پايىزى قازاقشا، 90 پايىزى ورىسشا سويلەي الاتىن بولادى. ءبىلىم بەرۋ سالاسىندا قازاق ءتىلىنىڭ مارتەبەسى نىعايىپ كەلەدى. 2016 -جىلى قازاق ءتىلدى مەكتەپتەردى بىتىرگەندەر سانى 70 پايىزعا جەتكەن. ال مەكتەپتەر سانىنا كەلەر بولساق، قازىرگى تاڭدا ءبىلىم بەرۋ مەكەمەلەرىنىڭ 53 پايىزى، ياعني 3,8 مىڭ مەكتەپ قازاقشا وقىتادى.

ەستەرىڭىزگە سالا كەتەيىك، 1991 -جىلى بۇل كورسەتكىش 32 پايىز  بولعان ەدى. اقپارات قۇرالدارىنىڭ ۇلەسىنە توقتالار بولساق، 2016 -جىلى ەلەكتروندى ب ا ق-تاعى قازاق ءتىلدى كونتەنتتىڭ ۇلەسى 12,7 پايىز  كوبەيىپ، 84 پايىزعا جەتتى. ال ورىس ءتىلدى كونتەنت كولەمى 10,8 پايىز  ازايدى.

دەگەنمەن، ەلەكروندى اقپارات قۇرالدارى ەلدەگى جالپى اقپارات كوزدەرىنىڭ تەك 16 پايىزىن عانا قۇرايتىنىن ەسكەرۋ كەرەك. قالعاندارى ءداستۇرلى باسىلىمدار. ونداعى قازاق ءتىلدى كونتەنت كولەمى 50 پايىزدان اسىپ جىعىلادى. 2016 -جىلدىڭ سوڭىندا ەلدە 2,9 مىڭ بۇقارالىق اقپارات قۇرالى تىركەلگەن. بۇل 2015 -جىلعىدان 11 پايىز  ارتىق. سونىڭ ىشىندە 23 پايىزى مەملەكەتتىك اقپارات قۇرالدارى. مەملەكەتتىك ب ا ق- تاعى اقپارات اعىنىنىڭ 71 پايىزى قازاق تىلىندە تارايدى. ءبىر جىل بۇرىن عانا بۇل كورسەتكىش 60 پايىز  بولعان ەدى.

دەگەنمەن، ق ر مادەنيەت جانە سپورت مينيسترلىگىنىڭ مالىمەتىنشە، قازاق ءتىلدى اقپارات قۇرالدارى مەيلىنشە قىزىقسىز جانە وزەكتىلىگى تومەن كورىنەدى. سونىمەن قازاق قازاق ءتىلدى باسىلىمدار اراسىندا اقپاراتتىق ەمەس جانە مازمۇنسىز اقپارات قۇرالدارىنىڭ بار دەگەن پىكىر قالىپتاسقان.

قازاقتار سوڭعى كەزدەرى اعىلشىن ءتىلىن بەلسەندى مەڭگەرۋدە. 1991 -جىلى اعىلشىن ءتىلىن بىلەتىن قازاقستاندىقتار سانى تەك 2 پايىز  بولسا، قازىرگى تاڭدا بۇل كورسەتكىش 23,7 پايىزعا جەتتى. وسىنىڭ ىقپالىمەن 2015 -جىلى 16 پايىزدى قۇراعان ءۇش ءتىلدى ازاماتتار سانى 2016 -جىلى 20 پايىز  بولدى.