الداعى ۋاقىتتا ورىس ءتىلى سيريادا مەملەكەتتىك تىلگە اينالاتىن بولدى.
بۇكىل سيريانىڭ جوعارى وقۋ ورىندارىندا تاياۋ كۇندەردە ورىس ءتىلى وقىتىلا باستايدى.
ەل پرەزيدەنتى باشار اساد وسىنداي شەشىم قابىلدادى. سيريانىڭ رەسەيدەگى ەلشىسى رياد حادداد ماسكەۋدەگى كەزدەسۋدە سيريا حالقىن قانقۇيلى سوعىستان قۇتقارۋعا جاردەمدەسىپ جاتقان رەسەيگە، اسىرەسە پرەزيدەنت پۋتينگە العىسى شەكسىز ەكەندىگىن جەتكىزدى.
مۇنىڭ قايتارىمى رەتىندە سيريانىڭ بارلىق جوعارى وقۋ ورىندارىندا ورىس ءتىلى كافەدراسى اشىلاتىن بولدى. ال ەلدەگى ءبىلىم وردالارىندا ەندى 7 سىناپتان باستاپ اراب بالاسى ورىس ءتىلىن وقي باستايدى.
- سيريانىڭ ماسكەۋدەگى ەلشىلىگىنىڭ كومەگىمەن مەملەكەت باسشىسى باشار اساد ورىس ءتىلىن ەكىنشى مەملەكەتتىك ءتىل ەتۋگە ۇيعارىم جاسادى. بۇل سيريانىڭ باسىنا قاۋىپ-قاتەر تونگەندە كومەككە كەلگەن ورىس حالقىنىڭ قۇرمەتى ءۇشىن جاسالىنىپ وتىر، - دەدى ەلشى رياد حادداد.
سيريانىڭ ماسكەۋدەگى ەلشىسى رياد حادداد «ءتىپتى كوپتەگەن سيريالىقتار دۇنيەگە كەلگەن ءسابيىن اتىن پۋتين دەپ قويىپ جاتىر. سوندىقتان الپاۋىت ەلدەردىڭ تالاۋىنا جول بەرمەي سيرياعا كومەكتەسىپ جاتقان رەسەيگە قانداي قۇرمەت قىلساق تا، جاراسادى، - دەدى.
سان جىلعى سوعىستان سانسىراپ، بەيشارالىق حالگە ءتۇسىپ جاتقان باشار اسادتىڭ بۇگىنگى كۇنىن دە تۇسىنۋگە بولار. ءبىراق بۇل بولاشاق ۇرپاق ءۇشىن جاقسى نارسە ەمەس قوي...
بەرىك بەيسەن ۇلى
«ايقىن»