«ىشكى قىتايدا موري دەگەن جەر بار ەكەن. سول جەردە 6000 قازاق تۇرادى ەكەن. سول جەردەگى قازاقتار مەنىمەن كەزدەسكىسى كەلىپ، ماستەر-كلاسس وتكىزۋدى سۇراپ شاقىردى»، دەپ جازادى ەلوردالىق سۋرەتشى فەيسبۋكتەگى پاراقشاسىندا.
الەۋمەتتىك جەلىلەردە اڭساعان مۇستافانىڭ ءار جاڭالىققا، كوتەرىلگەن پروبلەمالارعا ارناپ سالىنعان سۋرەتتەرمەن قاتار، كوبىنە ءوز سۋرەتتەرى ارقىلى قالىڭ وقىرماننىڭ نازارىن جاڭا تاقىرىپقا اۋدارىپ، تىڭ ماسەلەلەردىڭ باسىن قوزعاپ كەلەدى.
ونىڭ قازاق جاستارىنا ارناپ سالىنعان سۋرەتتەرى تۇرىك، جاپون، گرۋزين، قىرعىز، اعىلشىن، ورىس جانە تاعى دا باسقا ونشاقتى تىلدەرگە اۋدارىلىپ، الەمگە تارادى.
«قىتايعا سۋرەتتەرىمدى وتكىزە مە ەكەن؟ جالپى ويلاپ ەدىم، كورمە الماتى، استانا، تالدىقورعان، شىمكەنت، تاراز، اتىراۋ، تەمىرتاۋ، قىزىلوردادا ءوتتى عوي. ەندى تۋعان جەرىم ورالدان شاقىرسا، اۋىلىمنىڭ ءبىر اقساقالى شالى باتاسىن بەرسە، ازەربايجانعا تارتىپ كەتسەم دەپ ءجۇرمىن. ەندى بۇيىرسا شەت ەلگە بارامىن»، - دەپ جازدى سۋرەتشى.