فرانسيادا بۇگىن پرەزيدەنتتىك سايلاۋدىڭ العاشقى تۋرى وتەدى

ەلدەگى سايلاۋ ۋچاسكەلەرى جەرگىلىكتى ۋاقىتپەن 8:00 دە اشىلىپ، 19:00 دە جابىلادى.

ءبىراق كەيبىر ءىرى قالالاردا ول ءبىر ساعاتقا ۇزارتىلىپ وتىر. مەملەكەت باسشىسى سايلاۋىنىڭ العاشقى كەزەڭىنىڭ قورىتىندىسى بويىنشا كوبىرەك داۋىس العان ەكى كانديدات قانا ەكىنشى تۋرعا ءوتىپ، پرەزيدەنتتىك لاۋازىم ءۇشىن كۇرەسەتىن بولادى.

ساراپشىلاردىڭ اتاپ وتۋىنشە، ازىرگە پرەزيدەنتتىك سايلاۋدىڭ ءبىرىنشى كەزەڭىنىڭ قالاي اياقتالۋى بەيمالىم.

ويتكەنى بۇل ساياسي دوداعا كۇمانمەن قاراۋشىلاردىڭ پايىزى جوعارى بولىپ وتىر. سايلاۋعا ەكى اپتا قالعان كەزدە جۇرگىزىلگەن ساۋالناماعا سايكەس، فرانسۋزداردىڭ ۇشتەن ءبىرى ءالى كۇنگە دەيىن كىمگە داۋىس بەرەرىن شەشپەگەن.

وسى سوڭعى ساۋالناماعا قاراعاندا، ولاردىڭ اراسىندا ەممانيۋەل ماكرون، مارين لە پەن، فرانسۋا فييون جانە جان-ليۋك مەلانشوننىڭ مۇمكىندىگى وزگەلەردەن جوعارى.

فرانسيادا 45,6 ميلليون سايلاۋشى بار. بۇعان قوسا وزگە ەلدەردەگى 1,3 ميلليون فرانسۋز دا داۋىس بەرۋگە قاتىسا الادى. پرەزيدەنتتىك سايلاۋدىڭ ەكىنشى تۋرى 7- مامىرعا جوسپارلانعان.