ءدۇبىرلى دودا وليمپيادا چەمپيونى بەكزات ساتتارحانوۆتى ەسكە الۋعا ارنالدى. وسىمەن ءۇشىنشى رەت ءوتىپ وتىرعان باسەكەگە ەلىمىزدىڭ بارلىق ايماعىنان 713 جاس سپورتشى قاتىسۋدا، دەپ حابارلايدى «قازاقپارات» ح ا ا ءتىلشىسى.
تۇركىستانداعى بۇل بايراقتى باسەكەگە ەلىمىزدىڭ تۇپكىر-تۇپكىرىنەن 10 كوماندا كەلدى. 6 مەن 11 جاس ارالىعىنداعى 700 دەن استام سپورتشى وندا جاس ەرەكشەلىگى بويىنشا 2 توپقا ءبولىنىپ، ءوزارا كۇش سىناسۋدا.
جارىس WTF - بۇكىل الەمدىك تاەكۆوندو فەدەراتسياسىنىڭ ەرەجەسىنە جانە شارتتارىنا سايكەس وليمپيادالىق جۇيەمەن وتۋدە. ءار جەكپە-جەك 2 مينۋتتان، 3 كەزەڭدە ءوربيدى.
ايتا كەتەيىك، سپورتتىڭ بۇل تۇرىنە مەملەكەت تاراپىنان قولداۋ كورسەتىلۋدە. بۇل سپورتتاعى جاستاردىڭ بەلسەندىلىگى دە جوعارى. سوندىقتان تۇركىستان شاھارىندا باستاۋ العان تۋرنيردىڭ جىل سايىن اۋقىمى ارتىپ، قاتىسۋشىلارى كوبەيۋدە.