امەريكادا Lanmodo ستارتاپى كوپ فۋنكتسيونالدى All-in-One Wireless Automatic Car Tent قۇرىلعىسىن تانىستىردى. جوبا قازىر كراۋدفاندينگ ساتىسىندا. ءبىر سوزبەن ايتقاندا، بۇل اۆتوموبيلگە ارنالعان شاتىر بولىپ تابىلادى، سونىمەن قاتار ونى پروەكتورعا ارنالعان ەكران رەتىندە پايدالانۋعا بولادى، دەپ حابارلايدى «موتور».
قۇرىلعى كولىكتىڭ ۇستىنە ۇلكەن اۋا سورعىش قۇرالداردىڭ كومەگىمەن ورناتىلادى، سونىمەن قاتار ونى ەسىككە قىستىرىپ قويۋعا نەمەسە اينالاردىڭ كورپۋسى مەن ەسىك تۇتقالارىنا ىلە سالۋعا بولاتىن بەكىتۋ تاسپالارى دا قاراستىرىلعان.
اۆتوماتتى اشىلىپ- جابىلاتىن (قاشىقتىقتان باسقارىلاتىن پۋلتتىڭ كومەگىمەن) شاتىردىڭ كونسترۋكسياسى كولىكتىڭ شاناعىنا جاناسپايتىن بيىكتىكتە ورناتىلعان.
شاتىردىڭ اۆتوموبيلدەن بولەك پايدالانۋ ماقساتىندا وعان قوسىمشا جەرگە ورناتۋ ەلەمەنتى ەنگىزىلىپ وتىر. وسىلايشا، جاۋىندى كۇندەرى تابيعات اياسىندا دەمالۋعا شىققاندا ول وپ- وڭاي جاعاجاي شاتىرىنا نەمەسە جاپپاعا اينالادى.
سونىمەن قاتار، All-in-One Wireless Automatic Car Tent تولىق جيناعىن ساتىپ العان جاعدايدا كليەنت قوسىمشا بونۋس رەتىندە قۇرىلعىنى ۇلكەن شاتىرعا اينالدىراتىن قوسىمشا ماتەريالعا قول جەتكىزەتىن بولادى. شاتىردى جەرگە ورناتۋعا ارنالعان باعاندارعا جارىق جانە باسقا دا اسپاپتارعا ارنالعان زاريادتاۋ قۇرىلعىلارىن ورناتۋ كوزدەلۋدە.
شاتىردىڭ تاعى ءبىر قاسيەتى - ونى پروەكتورعا ارنالعان ەكران رەتىندە پايدالانۋعا دا بولادى.