قازاقستان ساباننان ەلەكتر قۋاتىن وندىرەتىن بولادى

 بارلىق قارجىلىق سالىمداردى قىتايلىق تاراپ ينۆەستيتسيالايدى.

 اتالعان كاسىپورىن جوباسىنىڭ قۋاتتىلىعى جىلىنا 10 ميلليون توننانى قۇرايتىن سۇيىق جانە قاتتى ورگانيكالىق تىڭايتقىشتاردى وندىرۋگە مۇمكىنشىلىك تۋدىرادى دەپ جوسپارلانۋدا. سونىمەن قوسا، زاۋىتتا كولەمى 5 مىڭ كۋب. مەتر قۇرايتىن مەتان گازىن وندىرسە، سول ارقىلى 120 ميلليون كۆت ەلەكتر قۋاتىن، 70 مىڭ توننا بيولوگيالىق ليگنيندى قىتاي، ەۋروپا ەلدەرىنە ەكسپورتتاۋ مۇمكىندىگى پايدا بولادى. سونىمەن قاتار، زاۋىت كۇندەلىكتى 20 مىڭ توننا ساپالى قاعاز وڭدەۋگە قاجەتتى سەلليۋلوزا شيكىزاتىن شىعارا الادى.

ال اتالعان كومپانيانىڭ قازاقستانعا قويىپ وتىرعان تالابى - جىلىنا 500 مىڭ توننا شيكىزاتپەن، ياعني سابانمەن قامتاماسىز ەتۋ. بيولوگيالىق ليگنين - كوپتەگەن كاسىپورىن مەن مەديتسينادا قولدانىلاتىن باعالى حيميالىق شيكىزات. ايتا كەتەتىن جايت، ا. مىرزاحمەتوۆ جاقىندا قىتاي ەلىنە جۇمىس ساپارىمەن بارىپ، بىرنەشە كەلىسىمدەرگە قول جەتكىزىپ، بيزنەس قاۋىمداستىق وكىلدەرىمەن كەزدەسكەن بولاتىن. بۇل تۋرالى strategy2050.kz سايتى حابارلايدى.