وسىعان دەيىن، فرانسيا ءى ءى م رەسمي وكىلى پەر-انري براندە پاريجدە ەليسەي الاڭىندا تەراكت ۇيىمداستىرۋعا قاتىسى بار دەلىنگەن كۇدىكتىنىڭ سۋرەتىن جاريالاعان بولاتىن.
«بەلگيا بيلىگى ىزدەۋ سالعان ەر ادام انتۆەرپەن كوميسسارياتىنا ءوزى كەلدى»، - دەدى براندە. ەسكە سالايىق، كەشە، 20 -ساۋىردە پاريج ورتالىعىندا قىلمىسكەرلەر پوليتسەيلەر پاترۋلىنە شابۋىل جاسادى. سالدارىنان پوليتسەي قازا تاۋىپ، تاعى ەكى ادام اۋىر جاراقات العان. سونداي-اق، سول جاقتان ءوتىپ بارا جاتقان ءبىر ايەل دە جاراقات العان. بۇل وقيعا فرانسيادا وتەتىن پرەزيدەنت سايلاۋىنىڭ الدىندا، ياعني شابۋىل سايلاۋعا ءۇش كۇن قالعان كەزدە جاسالىپ وتىر. ايتا كەتەيىك، بۇل شابۋىلدى د ا ي ش ۇيىمى ءوز موينىنا الدى. فرانسيا پرەزيدەنتى فرانسۋا وللاند پرەمەر-مينيستر مەن ءى ءى م باسشىسىمەن وتكەن كەزدەسۋدەن كەيىن بۇل شابۋىلدىڭ تەرروريستىك مازمۇنى بار ەكەنىن مالىمدەدى. سونداي-اق، ا ق ش پرەزيدەنتى دونالد ترامپ پاريج ورتالىعىندا بولعان اتىستى تەرروريستىك شابۋىل دەپ اتادى.