جاقىندا شەنەۋنىكتەر ونىڭ قۇجاتتارىن قالپىنا كەلتىرىپ، ال پوليتسيا ايەل قۇلدىقتا بولعان شارۋا قوجالىعىن تەكسەرەدى. ايەل ادام ءۇش جىل بۇرىن تابىس تابۋ ءۇشىن الماتى وبلىسى الاكول اۋدانىنا تابىس تابۋعا بارىپ، شارۋا قوجالىقتارىنىڭ بىرىنە ورنالاسقان.
«جۇمىسقا تانىسىم شاقىرعان. جاقسى اقشا تولەيمىن دەگەن. ونىڭ ۇستىنە جاقسى جۇمىس ىستەسەڭ ۇستەماقى دا بار ەكەن دەدى. ول كەزدە قارجىلىق جاعدايىم اۋىر بولعان سوڭ كەلىستىم. كەلگەنىمىزدە ءبىزدى شارۋا قوجالىعى يەسىنىڭ كومەكشىسى، بولات ەسىمدى ەر ادام كۇتىپ الدى. ول قۇجاتتاردى بەرۋىم كەرەكتىگىن ايتتى، ويتكەنى مەن مال جانە شارۋاشىلىق يەسىنىڭ وزگە دە مۇلكىمەن جۇمىس ىستەيدى ەكەنمىن. ويىمدا ەشتەڭە جوق، قۇجاتتاردى قولىنا ۇستاتا سالدىم. قۇجاتتاردى بەرىپ، جۇمىس ورنىنا جەتكەنىمىز سول ەدى، ماعان دەگەن قارىم- قاتىناستارى وزگەرە قالدى. مەن ول جەردە بۇزاۋلاردى كوتەرىپ، مالدىڭ بوعىن تازالادىم، دالادا قوي باقتىم. مال قاشىپ كەتە بەرەتىن، سول ءۇشىن مەنى ۇراتىن»، - دەيدى ايەل.
ول بىرنەشە رەت قاشپاق بولعان ەكەن. العاش رەت باسىنان ارماتۋرامەن ۇرعان سوڭ بەكىنگەن. «قامىس اراسىنا جاسىرىندىم، ول جەردەن يتپەن ىزدەپ تاۋىپ الدى. ءبىر رەت جالاڭاياق قار كەشىپ قاشتىم. دەگەنمەن الىسقا كەتە المادىم. ۇستاپ الادى، ۇرادى دا، قايتا جۇمىس ىستەتىپ قويادى. قانسىراپ جاتسام دا شارۋا قوجالىعىنىڭ يەسى بوكەن مەن ايەلى انار مەنى ساباۋىن توقتاتقان ەمەس. بالالارىنا دەيىن ۇراتىن. قاتتى سىرقاتتانىپ قالعان كەزدە دە دارىگەرگە جىبەرمەدى. مۇلدە قوزعالۋدان قالعان كەزدە عانا اۆتوۆوكزالعا اكەلىپ، جەرگە تاستاپ كەتكەن ەدى»، - دەپ ەسىنە الدى ايەل باسىنان وتكەنىن.
ءلاززات ىسقاقوۆا ايتا الماعان باسقا جايتتاردى ونىڭ اعاسى باۋىرجان ايتىپ بەردى. «حايۋاندار دا بۇلاي جاسامايدى. ءۇش جىل ىزدەپ تاپپادىق. ول ۇيگە كىرگەندە، تۋعان اعاسى مەنىڭ ءوزىم ونى تانىماي قالدىم. قۇر سۇلدەرى قالعان. ءتىرى ولىك سياقتى. بىردەن دارىگەرلەرگە حابارلاستىق. ءبىراق قۇجاتتارىنىڭ جوعى اۋرلىق تۋدىردى. دەگەنمەن دارىگەرلەر قول ۇشىن بەردى. وكىنىشتىسى ونى اۋرۋ مەڭدەپ، قاتەرلى ىسىگى 4 دەڭگەيگە دەيىن اسقىنىپ كەتكەن. ەندى ونىڭ ءتان ازابىنان قۇتىلاتىن كۇنىن كۇتۋ عانا قالدى. قازىر عوي تىنىش جاتقانى. تۇندە قاسقىرشا ۇلىيدى. جاتىر مويىنشاسىن وبىر شالعان»، - دەيدى باۋىرجان كوزىنە جاس الىپ. ايەلدىڭ بەس بالاسى بار. ولار قازىر بالالار ۇيىندە. تالدىقورعاننىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ قىزمەتكەرلەرى ءبىراز جىلدان بەرى الەۋمەتتىك جاردەماقى الاتىن ءلاززات ىسقاقوۆانى بىردەن تانىعان.
«قازىر ءبىز تازالىق زاتتارى، دارىلەر جانە ازىق-تۇلىكپەن قامىسزداندىرىپ جاتىرمىز. ىسقاقوۆانىڭ قۇجاتتارىن قالپىنا كەلتىرۋمەن اينالىسىپ جاتىرمىز»، - دەيدى ءبولىم جەتەكشىسى گۇلجان وسپانوۆا.
ءى ءى د- نىڭ وكىلدەرى ءلاززات ىسقاقوۆانىڭ ارىزى رەسمي تىركەلگەنىن مالىمدەدى. قازىر تەكسەرىس جۇرگىزۋ ءۇشىن ءىس الاكول اۋدانىنداعى ايماقتىق پوليتسيا بولىمشەسىنە بەرىلدى.