ولار ءبىر اپتا ىشىندە ەلدىڭ جارتىسىنا جۋىعىن ارالاپ، فرانسۋزدىق ياوتس- نىڭ بارلىق بۋىندارىن كوزبەن كورىپ شىقتى. پايدالانىلعان يادرولىق وتىندى وڭدەيتىن، ا ە س- كە ارنالعان جابدىقتار ازىرلەيتىن، يادرولىق وتىن شىعاراتىن، ۋران بايىتاتىن جانە كونۆەرسيالايتىن، موح وتىن وندىرەتىن زاۋىتتارمەن تانىستى، دەپ حابارلايدى ۇلتتىق كومپانيانىڭ باسپا ءسوز قىزمەتى.
- مۇنداي تاجىريبە الماسۋلار جاس مامانداردى جاڭا يدەيالار ۇسىنۋعا، راتسيوناليزاتورلىق جانە ونەرتاپقىشتىق ۇسىنىستار ەنگىزۋگە ىنتالاندىرادى. تەحنولوگيالىق تارماقتاردىڭ ىقشامدىلىعى ۇنادى، ءبارى دە بۇگە- شۇگەسىنە دەيىن ويلاستىرىلعان. پروتسەستەر كومپيۋتەر ارقىلى باقىلانادى. كەي سەحتاردا ادام مۇلدە جوق، قاجەتسىز ەشكىم دە كىرمەيدى. ال كەلەسى ءبىر نىسانداردا قورعانىس ماسكاسىنسىز جۇرەدى، بۇل قازىرگى زامانعى ۋران ءوندىرىسىنىڭ قانشالىقتى قاۋىپسىز ەكەندىگىن اڭعارتقانداي. سونداي- اق، ءوندىرىستىڭ ەكولوگيالىق تازالىعىنىڭ دالەلىندەي ەتىپ زاۋىت اۋماعىندا توعاندار سالعان، ولاردا ۇيرەكتەر ءجۇزىپ جۇرگەنىن، جاعاسىندا جۇگىرگەن قويانداردى كوردىك، - دەپ اڭگىمەلەيدى قازاتومونەركاسىپ كومپانياسىنىڭ ياوتس جوبالار دەپارتامەنتىنىڭ مەنەدجەرى ەلدوس جارمۇحامەدوۆ.