كەزدەسۋ بارىسىندا قازاقستان پرەزيدەنتى ءوزىنىڭ تاياۋدا جارىق كورگەن «بولاشاققا باعدار: رۋحاني جاڭعىرۋ» اتتى ماقالاسىنىڭ كەيبىر باعىتى مەن باسىمدىقتارىنا توقتالدى. سونداي-اق كەزدەسۋدە تاۋەلسىزدىك جىلدارىندا ىسكە اسىرىلعان ءىرى شىعارماشىلىق جوبالاردىڭ ماڭىزدى ماسەلەلەرى تالقىلاندى.
ماسەلەن، قازاقستان اۋماعىنداعى تاريحي-مادەني ەسكەرتكىشتەر مەن نىسانداردى قالپىنا كەلتىرۋگە سەپتىگىن تيگىزگەن «مادەني مۇرا» باعدارلاماسى، سونداي-اق الەمنىڭ جەتەكشى ارحيۆتەرىنەن ەلىمىزدىڭ تاريحىنا قاتىستى قۇجاتتاردى جۇيەلى تۇردە جيناقتاپ، تالداۋ جۇرگىزۋگە مۇمكىندىك بەرگەن «حالىق تاريح تولقىنىندا» باعدارلاماسى اڭگىمەگە ارقاۋ بولدى.