ABSسينگاپۋرلىك كومپانياسىنىڭ اتقارۋشى ديرەكتورى پارلامەنت سپيكەرى م. ەنحبولدۋگە موڭعوليانىڭ «موڭعولسات-1» اتتى العاشقى وربيتالىق سپۋتنيك تۋرالى كۋالىكتى تابىس ەتتى.
پارلامەنت سپيكەرى م. ەنحبولدۋ ازاماتتارعا جوعارى جىلدامدىقتى ينتەرنەت، راديو جانە تەلەحابار تاراتۋ، ورنالاسۋ جەرىنە بايلانىسسىز ەلدىڭ بارلىق اۋماعىنا تەلەكوممۋنيكاتسيا بويىنشا ساپالى قىزمەتتەر ۇسىنۋ ءۇشىن موڭعول سپۋتنيگىن ۇشىرۋ جوباسىن جۇزەگە اسىرۋدى 2006-جىلى پرەمەر-مينيستر لاۋازىمىندا بولعان كەزىندە باستادى.
«موڭعولسات-1» قاڭتار ايىندا جەر توڭىرەگىندەگى وربيتاعا شىعارىلدى جانە 19- ساۋىردەن باستاپ، ءوز جۇمىسىن باستادى. وسى سپۋتنيكتىڭ كومەگىمەن ەل اۋىل شارۋاشىلىعى، قورشاعان ورتانى قورعاۋ جانە تاۋ-كەن ونەركاسىبى سالالارى ءۇشىن ماڭىزدى دەرەكتەردى الىپ وتىرماق.
ال ازاماتتار كۇندەلىكتى جوعارى جىلدامدىقتى ينتەرنەت، كەڭ جولاقتى تەلەحابار تاراتۋ قىزمەتتەرىن ەڭ تومەنگى باعالارمەن تۇتىنا الادى.