بۇل تۋرالى ول 18- ساۋىردە ماسكەۋدىڭ باسمان سوتىندا ايتقان دەپ حابارلايدى centralasian.org.
بۇعان دەيىن ونىڭ ادۆوكاتى ارمەن زادويان كۇدىكتى كىناسىن تولىق مويىنداعانىن حابارلاپ ەدى. ونى سوت كەزىندە تەرگەۋشى دە قايتالادى.
ابرور ازيموۆتى ماسكەۋ وبلىسى ودينتسوۆ اۋدانىنىڭ فەدەرالدىق قاۋىپسىزدىك قىزمەتىنىڭ وكىلدەرى ۇستاعان. ودان ماكاروۆ تاپانشاسى تابىلعان. تەرگەۋشىلەر نۇسقاسى بويىنشا، ازيموۆ شابۋىلدى جۇزەگە اسىرعان اكبارجون جاليلوۆتى دايىنداعان. ب ا ق مالىمەتتەرىنە قاراعاندا، تەراكت الدىندا جاليلوۆ تەك قانا ازيموۆپەن تەلەفون ارقىلى سويلەسكەن. «ينتەرفاكس» اگەنتتىگىنىڭ حابارلاۋىنشا، 2013-جىلى ازيموۆ رەسەي ازاماتتىعىن العان.
3- ساۋىردە پەتەربۋرگ مەتروسىنداعى ۆاگوندا تەراكت بولىپ، 14 ادام قازا تاپتى جانە 50 گە جۋىق ادام جارالاندى. شابۋىل جاۋاپكەرشىلىگىن ەشقانداي توپ موينىنا العان جوق. تەرگەۋشىلەر شابۋىلدى 22 جاستاعى قىرعىزستان تۋماى اكبارجون جاليلوۆ جاساعان دەپ ەسەپتەيدى.
6- ساۋىردە تەرگەۋ كوميتەتى پەتەربۋرگ پەن ماسكەۋدە تەراكتىگە قاتىسى بار سەگىز كۇدىكتى ۇستالعانىن حابارلادى.