ءابليازوۆتىڭ قالاي اقشا جىمقىرعانى سوتتا ەگجەي-تەگجەيلى جاريا ەتىلدى

استانا. قازاقپارات - مۇحتار ءابليازوۆ پەن ونىڭ سىبايلاستارىنا قاتىستى ءىس بويىنشا كەزەكتى سوت وتىرىسىندا ب ت ا بانكىنەن وفشور كومپانيالارىنا قاراجات جىمقىرۋعا بايلانىستى بىرنەشە ەپيزود قاراستىرىلدى.

ايىپتاۋشى تاراپتىڭ نۇسقاسىنا قاراعاندا، زاڭسىز ماحيناتسيالار ءبىر سەناري بويىنشا جۇزەگە اسىرىلعان. وفشور كومپانيالار ب ت ا بانكىنەن ميلليونداعان كرەديت الۋعا ءوتىنىش بىلدىرگەن. كومپانيالار بۇل قاراجات ماسكەۋ تۇبىندە جەر ساتىپ الۋعا قاجەت ەكەنىن كورسەتكەن.

ال ءوز كەزەگىندە بانكتە قاجەتتى ساراپتامالار جۇرگىزىلمەستەن كرەديت بەرۋگە ماقۇلداۋ تۋرالى شەشىم شىعارىلىپ وتىرعان. ماسكەۋ تۇبىندە ساتىپ الىنادى دەلىنگەن جەرلەر وسى كرەديتتىڭ كەپىلدىگى رەتىندە تىركەلگەن. ال ناتيجەسىندە بۇل جەرلەر ساتىلىپ، جابىرلەنۋشى تاراپ ب ت ا بانك قىرۋار قاراجاتتى جوعالتقان.

ناقتىراق ايتقاندا مۇنداي كرەديتتى Rimos Limited, Winterra Holding, Toros Limited, Starwood Contract Limited, Netgold Servises Limited, Highbond Associates Limited جانە تاعى دا باسقا كومپانيالار العان. وسى اتالعان كومپانيالاردىڭ بارلىعى سەيشەل ارالدارىندا تىركەلگەن. Toros LTD العان كرەديت سوماسى - 145 ميلليون دوللار. بۇل كرەديت ءىشىنارا جابىلعان، الايدا ب ت ا بانكىنە بەرەشەك سوما بۇگىندە - 96 ميلليون 197 مىڭ دوللار.

«2006 -جىلدىڭ 7 -جەلتوقسانىندا Toros LTD Jennifer Rene كومپانياسىنىڭ ديرەكتورى "بانك تۇران الەم" اق- دان 144 ميلليون ا ق ش دوللارى سوماسىندا قارجىلاندىرۋ بويىنشا ءوتىنىش بەرگەن. (...) 2008 -جىلدىڭ 29 -ساۋىرىندە قارىزدى Rockway Holding Starwood كومپانياسىنىڭ اتىنا اۋىستىرۋعا كەلىسىمشارت جاسالعان. ناتيجەسىندە 2012 -جىلى بۇل كەلىسىمشارت جارامسىز دەپ تانىلدى»، - دەدى جابىرلەنۋشى تاراپتىڭ وكىلى تالعات امانتاي.

سونداي-اق، جابىرلەنۋشى تاراپتىڭ وكىلى ءىس قاراۋىندا قاراستىرىلىپ جاتقان بارلىق كومپانيانىڭ لوندوننىڭ جوعارعى سوتىنىڭ بۇيرىعىمەن مۇحتار ءابليازوۆتىڭ اكتيۆى دەپ تانىلعان.

ايتا كەتەيىك، لوندوندىق سوت قورىتىندى بەنەفيتسيارى ءابليازوۆ بولىپ تانىلعان شامامەن وسىنداي 1000 كومپانيانى انىقتاعان. وفشور كومپانيالارعا كرەديت بەرۋمەن اينالىسقان №6 كورپوراتيۆ بيزنەس باسقارماسىنا جەتەكشىلىك ەتكەن سادىقوۆ رسى قاراستىرىلىپ وتىرعان ەپيزودتار بويىنشا تاعىلعان ايىپتارمەن كەلىسپەدى. كرەديت بەرۋ تۋرالى بارلىق قۇجاتتا قولى قويىلعان تاعى ءبىر سوتتالۋشى جارىمبەتوۆ كىناسىن مويىنداپ وتىر. «جەر ۋچاسكەلەرىن ساتىپ الۋ - ءابليازوۆتىڭ بولەك ءبىر جوباسى. ول بارلىعىن بەكىتتى. ول وسى جوبانىڭ اكتسيونەرى ءارى الۋشىسى بولدى»، - دەپ مالىمدەدى جارىمبەتوۆ.

مۇحتار ءابليازوۆتىڭ قىلمىستىق ىسىندە 160 تان اسا ەپيزود بار، وسىنىڭ بارلىعى 2 مىڭ تومنان اسادى. وسىعان دەيىنگى سوت وتىرىستارىندا ب ت ا بانكىنىڭ ەكس- باسشىسى باسقارعان "استانا- حولدينگ" كومپانياسىنىڭ قىزمەتكەرى ءوزىن ءابليازوۆتىڭ سىبايلاستارى شەكارادان اسىرىپ اكەتۋگە ارەكەتتەنگەنىن مالىمدەگەن. تاعى ءبىر سوت تىڭداۋىندا ەسەپتى بانكتىڭ قاراجاتتارىنا "ب ت ا بانكىنىڭ" ەكس- باسشىسى مۇحتار ءابليازوۆتىڭ جەكە اۋەپارك ساتىپ العانى حابارلانعان.

بانكتە كەپىلدىك رەتىندە "ليۋكس" ساناتىنداعى بىرنەشە ۇشاق بولعان، بۇل ۇشاقتار بىرنەشە جىل بويى بۇرىنعى باسشىلىق پەن ولاردىڭ تۋىستارىن تاسىمالداعان دەلىنەدى. ال بۇل ۇشاقتاردا ۇستاۋعا 2008 -جىلى بانك اي سايىن 100 ميلليون تەڭگەدەن اسا (675 مىڭ دوللار) قاراجات جۇمساپ وتىرىپتى. ايتا كەتەيىك، ءابليازوۆتىڭ ءوزى سوتقا قاتىسىپ جاتقان جوق، ونىڭ مۇددەسىن مەملەكەت تاعايىنداعان ادۆوكات قورعاپ وتىر. سوتتالۋشى رەتىندە ب ت ا بانكىنىڭ بۇرىنعى توپ- مەنەدجەرلەرى قاراستىرىلىپ وتىر.

ولار - باسقارما ءتوراعاسى ءسادۋاقاس مامەش، باسقارما ءتوراعاسىنىڭ ءبىرىنشى ورىنباسارى - كرەديت كوميتەتىنىڭ ءتوراعاسى جاقسىلىق جارىمبەتوۆ، كرەديتتەۋ بويىنشا ديرەكتور قايرات سادىقوۆ. مامەش پەن سادىقوۆ سوتتا ءوز كىناسىن ءىشىنارا مويىنداسا، جارىمبەتوۆ تولىقتاي مويىنداپ وتىر.

ەسكە سالايىق، ءابليازوۆ قىلمىستىق توپ قۇردى جانە وعان باسشىلىق ەتتى، ب ت ا بانكىنىڭ قاراجاتىن جىمقىردى جانە ولاردى زاڭداستىردى، بانك قاراجاتىن زاڭسىز قولداندى جانە وكىلەتتىگىن تەرىس پايدالاندى دەپ ايىپتالىپ جاتىر.

 

Tengrinews.kz