«- ءبىز الەمدىك قورىقشىلاردىڭ تاجىريبەسىن قولدانامىز، مىسالى، ا ق ش- تاعى يەللوۋستوۋن پاركى، - دەدى «بۇيراتاۋ» ۇلتتىق پاركىنىڭ تەريزم جانە ەكولوگيالىق اعارتۋ ءبولىمى باسشىسىنىڭ مىندەتىن اتقارۋشى جىبەك ىبرايەۆا. - قازىرگى كەزدە ورىندىقتار مەن قوقىس جاشىكتەرى ورناتىلىپ، پاركتىڭ مارشرۋتى جاسالۋدى. سافاريدىڭ اشىلۋى ەكسپو كورمەسىنە ورايلاستىرىلماق».
كەلۋشىلەر، بۇعى، ارقار، اقبوكەن، بيزون، قوداس، مارال، تىرنا، سارشۇناق، سۋىر، قۇر مەن باسقا دا قىزىل كىتاپقا ەنگىزىلگەن اڭ- قۇستاردى تاماشالاي الادى. جانۋارلاردى كورۋگە جانە فوتوسۋرەتكە تۇسىرۋگە عانا رۇقسات ەتىلەدى. ۇلتتىق پاركتە اڭ اۋلاۋعا تىيىم سالىنادى.
بۇگىندە «بۇيراتاۋ» قورىعىنا قاراعاندى قالاسى مولودەجنىي اۋىلىنداعى اباي كوشەسى، 13 مەكەنجايىندا ورنالاسقان كەڭسەدە باج تولەپ جانە بيلەت ساتىپ الىپ بارۋعا بولادى. نەمەسە بىردەن ۇلتتىق پارككە كەلۋگە بولادى. پارك اۋماعىنا كىرەبەرىستە ورنالاسقان وتكىزۋ بەكەتتەرىندە تۋريستەرگە نۇسقاۋلىق بەرىلەدى. قورىق ايماعىندا ءبىر تاۋلىك بولعان ءۇشىن ءبىر ادام 1000 تەڭگە تولەيدى. بۇل باعاعا پاركتى ارالاۋعا، شاتىر قۇرۋعا، تۋريستىك سوقپاقتارمەن جۇرۋگە، جانۋارلاردى كورىپ، بوزايعىر مەن ءاجىباي وزەندەرىندە قارماقپەن بالىق اۋلاۋعا، سونداي- اق، ارحەولوگيالىق قازبالاردى تاماشالاۋعا بولادى. عالىمدار پارك اۋماعىندا VI- VII ع ع. ساق مادەنيەتىنىڭ ەسكەرتكىشتەرىن تاپتى.