سايلاۋ ۋچاسكەلەرى جەكسەنبى كۇنى جەرگىلىكتى ۋاقىت بويىنشا 17:00 دە جابىلدى. ەلدىڭ جوعارى سايلاۋ كوميسسياسىنىڭ شەشىمىنە سايكەس، 32 شىعىس وڭىرىندەگى داۋىس بەرۋ پروتسەسى 7:00 دە باستالىپ، 16:00 دە اياقتالدى.
وزگە وڭىرلەردە داۋىس بەرۋ 8:00 دەن 17:00 گە دەيىن جۇرگىزىلدى. سايلاۋشىلاردىڭ قاتىسۋى 86,5 پايىزدى قۇرادى - بۇل تۇركيا تاريحىنداعى ەڭ جوعارى كورسەتكىش.
تۇتاستاي العاندا، ەل بويىنشا 167140 سايلاۋ ۋچاسكەسى اشىلدى. تۇرىكتىڭ ىستانبۇل، يزمير، انكارا، انتاليا سياقتى نەگىزگى مەگاپوليستەرىنىڭ تۇرعىندارى ەلدىڭ باستى قۇجاتىنا وزگەرىس ەنگىزۋگە قارسى داۋىس بەردى.
13 وڭىردە تۇركيا كونستيتۋتسياسىن وزگەرتۋگە قولداۋ ءبىلدىرىلدى. كونستيتۋتسياعا ۇسىنىلعان وزگەرتۋلەردە باسقارۋدىڭ پرەزيدەنتتىك فورماسىنا ءوتۋدى ىسكە اسىراتىن نورمالار قاراستىرىلعان. پارلامەنت دەپۋتاتتارى سانىن 550 دەن 600 گە دەيىن كوبەيتۋ، ال پارلامەنتكە سايلانۋ ءۇشىن جاس شەگىن 25 تەن 18 جاسقا دەيىن تومەندەتۋ ۇسىنىلعان.
تۇركيانىڭ ۇلى ۇلتتىق ءماجىلىسىنىڭ (پارلامەنت) سايلاۋى جانە پرەزيدەنت سايلاۋى بەس جىلدا ءبىر رەت جانە ءبىر كۇنى وتكىزىلەدى. بەلگىلى تۇرىك ساياساتتانۋشىسى، ورتالىق ازيا بويىنشا ساراپشى كيۋرشادا زورلۋدىڭ ايتۋىنشا، تۇركيادا بيىلعى جىلدىڭ قاراشا نەمەسە جەلتوقسان ايىندا مەرزىمىنەن بۇرىن سايلاۋ وتكىزىلۋى مۇمكىن.
«داۋىستاردىڭ كوپشىلىگى سانالدى. ناتيجەسىندە Q «ءيا» دەپ جانە I «جوق» دەپ داۋىس بەردى. بۇل ناتيجە قۇقىقتىق جاعىنان تۇركياداعى ساياسي جانە اتقارۋشى بيلىك جۇيەسىندە الدا وزگەرىستەر بولاتىنىن بىلدىرەدى.
بىرنەشە تەرروريستىك ۇيىممەن كۇرەس جۇرگىزىلىپ جاتقان ماڭىزدى كەزەڭدە بۇل وزگەرىستەر مەملەكەت دامۋىنا ايتارلىقتاي اسەرىن تيگىزبەك. الايدا، باستاپقى كەزەڭدە وتكىزىلگەن رەفەرەندۋمنىڭ ساياسي لەگيتيمدىلىگى تۋرالى پىكىرتالاستار باستالۋى مۇمكىن.
ءوز باسىم كونستيتۋتسيانى وزگەرتۋگە قارسىلار داۋىستاردى ساناۋ جۇيەسىنە قىسىم كورسەتەتىنىنە سەنىمدىمىن، ويتكەنى كوپتەگەن بيۋللەتەندەر ءتيىستى ءمورسىز شىعارىلعان. مۇنداي تۇركياداعى سايلاۋدا العاش رەت قولدانىلىپ وتىر».
ساياسات تانۋشىنىڭ پىكىرىنشە، بۇگىنگى بيلىك جۇيەسىن وزگەرتۋ ءۇشىن جاقتاۋشىلار سانى كوبىرەك بولۋ كەرەك، ياعني «قولدايمىن» دەگەن سايلاۋشىلار ۇلەسى e دان كەم بولماۋى قاجەت. كيۋرشاد زورلۋ الەۋمەتتىك كەلىسىمگە تەك كوپشىلىكتىڭ قولداۋىمەن عانا قول جەتكىزۋگە بولادى دەپ ەسەپتەيدى.
«الداعى ەكى جىلدا تۇركيانى بىرنەشە سايلاۋ كۇتىپ تۇرعانىنا سەنىمدىمىن. ءوز پارتياسىمەن بايلانىسىن كۇشەيتكىسى كەلەتىن ەردوعان پارلامەنتتەگى ادىلدىك پارتياسى كادرلارىن جاڭارتۋدى كوزدەيدى»، - دەپ اتاپ ءوتتى ساراپشى.