قازاقستان يسپانيالىق قورعا كيىز ءۇي تارتۋ ەتتى - كەسكىن

استانا. قازاقپارات - يسپانيا ورتالىعىنداعى مونتەس-دە-تولەدو وڭىرىندە ورتالىق ازيا كوشپەندىلەرىنىڭ ءداستۇرلى تۇرعىن ءۇيى كيىز ءۇي قۇرىلدى.

يسپاندىق EFE باسىلىمىنىڭ جازۋىنشا، بۇل قازاقستان رەسپۋبليكاسى تۇڭعىش پرەزيدەنتى قورىنىڭ كارمەن ارناۋ مۋرو قورىنا سىيلىعى.

كيىز ءۇيدىڭ ديامەترى 6,5 مەتر جانە بيىكتىگى 4 مەترگە دەيىن جەتەدى، ءىشى قازاقتىڭ ۇلتتىق جابدىقتارىمەن، اشەكەيلەرىمەن تولتىرىلعان. كيىز ءۇي ءسىبىر حالىقتارى مەن ورتالىق ازيا مادەنيەتتەرىن زەرتتەۋگە ارنالعان ەكى مۋزەيدىڭ ءبىرى جانە انتروپولوگ كارمەن ارناۋ قورى ورنالاسقان لاس-ۆەنتاس-كون-پەنيا-اگيلەرا قالاسىنا ورناتىلدى.

ءسىبىر مەن ورتالىق ازياعا 20 رەت ەكسپەديتسيا جاساعان ارناۋ كيىز ءۇيدى اسەرلى دەپ اتاعان.

«بۇل ۇلكەن قۋانىش، بۇل عاجايىپ. ەكى جىل بويى حات جازىپ، كيىز ءۇي سۇراپ ەدىم. قالاۋىم ورىندالدى»، - دەدى ول.

كيىز ءۇيدى قۇرۋ راسىمىنە قازاقستاننىڭ يسپانياداعى ەلشىسى باقىت دۇيسەنبايەۆ، قازاقستاندىق دەلەگاتسيا، مۋزىكانتتار مەن جەرگىلىكتى قازاق دياسپوراسى قاتىستى. ولار قازاقتىڭ ادەت-عۇرىپتارىن كورسەتىپ، ەتنوگرافيالىق مۋزەيگە كەلۋشىلەرگە اشىق اسپان استىندا قازاقتىڭ تاعامدارى مەن سۋسىندارىنان ءدام تاتقىزدى.