ونىڭ ايتۋىنشا، جەرگىلىكتى جيناقتالاتىن العاشقى سمارتفون جۇرتشىلىققا ماۋسىم ايىندا ۇسىنىلادى.
«كۇزدە بىزگە بولىنگەن وندىرىستىك الاڭدار قۇرىلعىلاردىڭ كونۆەيەرلىك جيناعىن ىسكە قوسۋعا ءازىر بولادى. تۇتاستاي ءبىز IT- ءونىمنىڭ 10 تۇرىنە جۋىعىن جيناۋعا پاتەنتتىك قۇقىق الدىق، ونىڭ ىشىندە پلانشەتتىك كومپيۋتەرلەر، نوۋتبۋكتەر، پرينتەرلەر بار. ازەربايجاندا جينالعان ءونىم وڭىرلىك نارىقتارعا ەكسپورتتالادى»، - دەدى سۇلەيمانوۆ.
CRM Group باسشىسىنىڭ ايتۋىنشا، كومپيۋتەرلىك جانە پەريفەريالىق جابدىقتى رەتتەۋ 2018-جىلدىڭ باسىم جوسپارىنا كىرەدى.
«جوعارى تەحنولوگيالىق ءونىم شىعارۋ ەلدە ىسكە اسىرىلاتىن العاشقى اۋقىمدى جوبا بولىپ تابىلادى. ءبىز مۇنى ۇلكەن قادام جانە ەل ەكونوميكاسىنا قۇيىلعان ينۆەستيتسيا دەپ سانايمىز. كورشى تۇركيادا مىسالى، Casper برەندىمەن نوۋتبۋك جينالادى. ءبىز وسى تاجىريبەنى ازەربايجاندا ىسكە اسىرۋعا نيەتتىمىز»، - دەدى سۇلەيمانوۆ.