اتىراۋ قالاسىندا تۇڭعىش رەت ەكى ءىرى دودا جالاۋىن جەلبىرەتەدى

استانا. قازاقپارات - اتىراۋ قالاسىندا تۇڭعىش رەت 19-24- ءساۋىر ارالىعىندا تاەكۆوندودان جاستار اراسىنداعى 9-ازيا چەمپيوناتى مەن ەرەسەكتەر اراسىندا G-1 حالىقارالىق ءتۋرنيرى وتەدى.

بۇل تۋرالى وبلىستىق سپورت باسقارماسى حابارلادى. ازيا چەمپيوناتىنا الەمنىڭ 25 ەلىنەن ەڭ تاڭداۋلى سپورتشىلار قاتىسادى دەپ كۇتىلۋدە.

قازىرگە دەيىن ءوز ەلىمىزدەن تىس اۋعانستان، قىتاي، تايپەي، ءۇندىستان، يندونەزيا، يران، يراك، يوردانيا، قىرعىزستان، ليۆان، ماكاو، مالايزيا، موڭعوليا، پاكىستان، فيليپپين، كاتار، وڭتۇستىك كورەيا، ساۋد ارابياسى، تاجىكستان، تايلاند، و ا ە، وزبەكستان جانە ۆەتنام مەملەكەتتەرىنىڭ سپورتشىلارى اتىراۋعا كەلەتىندەرىن رەسمي تۇردە مالىمدەگەن.

ال «Kazakhstan open» G-1 حالىقارالىق تۋرنيرىنە 19 مەملەكەت ءوز وتىنىمدەرىن بىلدىرگەن.

اۆتور: كۇنسۇلتان وتارباي