ماسەلەن، تۇركيالىق ساراپشىلار ماقالاداعى ۇلتتىق بولمىس پەن قۇندىلىقتاردى ساقتاي وتىرىپ، رۋحاني جاڭعىرۋدىڭ ستارتەگيالىق ماڭىزىنا توقتالدى. لاتىنشاعا كوشۋدىڭ ۋاقىت تالابى ەكەنىن ايتتى.
ال نەمىس زيالىلارى ەلباسىنىڭ ماقسات- مىندەتتەرىنىڭ وزەكتىلىگىن اتاپ ءوتتى. اسىرەسە باسەكەگە قابىلەتتىلىك، ساۋاتتىلىق تۋرالى پايىمىن ەرەكشە باعالايدى. پراگماتيزمدى قولدايدى. ال ۇلى بريتانيالىق ديپلوماتتار ماقالاداعى مادەني اشىقتىقپەن قوسا، كوپتىلدىلىكتى قولداپ وتىر. ولار ءۇشىن - قوعامدىق سانا، ومىرگە دەگەن كوزقاراستى وزگەرتۋ جاھان الدىنداعى مىندەت.
شابان گۇلباحار، Avrasya Bir ستراتەگيالىق زەرتتەۋ ورتالىعىنىڭ ءتوراعاسى:
- پرەزيدەنت نۇرسۇلتان نازاربايەۆ جاھاندىق ۇدەرىستەردىڭ ىقپالىن ەلەپ- ەسكەرىپ، حالىقتىڭ مادەني- رۋحاني جاڭعىرۋىنا سەپ بولار ىلكىمدى جوبالاردى جاريا ەتتى. سوندىقتان قازاق ءتىلىنىڭ لاتىن الىپبيىنە كوشۋ باستاماسىن باۋىرلاس تۇركى حالىقتارى دا قۋانا قابىل الدى.
قازاقستان پرەزيدەنتىنىڭ حالىقتىڭ مادەني مۇرالارى مەن قۇندىلىقتارىن ساقتاپ، ەلدىكتى نىعايتۋ جولىندا كوتەرىپ وتىرعان بۇل باستامالارى وزەكتى ءارى ومىرشەڭ.
حۋبەرت تيليكە، ورتالىق ازيا ەلدەرى بويىنشا ساراپشى:
- مەنىڭشە، ۇشتىلدىلىكتى دامىتىپ، جاستاردى شەت مەملەكەتتە وقىتۋ تۋرالى تارماقتىڭ ماڭىزى زور. بۇگىننىڭ وزىندە مەملەكەت 10 مىڭنان استام ازاماتىن شەتەلدىك بەلدى ءبىلىم وشاقتارىندا وقىتتى. ولاردىڭ ءبارى اعىلشىن ءتىلىن جەتىك مەڭگەرگەن.
سونىمەن قاتار ولاردىڭ ءوز انا ءتىلى مەن ءتول مادەنيەتىن جانە اتا تاريحىن ۇمىتپاۋى شارت. پرەزيدەنت وسىعان ۇندەپ وتىر.
ەۆەلين جانتا، موناكونىڭ ۇلى بريتانياداعى جانە قازاقستانداعى ەلشىسى:
- قازاق جۇرتىنىڭ ەجەلدەن كوشپەندى حالىق بولعانىن تاريحتان بىلەمىن. ال قازىر قازاقستان - وتىرىقشىلانعان ءىرى مەملەكەت. سىزدەر مادەني مۇرالارىڭىزدى ەرەكشە قادىرلەيسىزدەر. جىبەك جولىندا ءساتتى ورنالاسقان ەل كورشى مەملەكەتتەرمەن دە جاقسى قارىم- قاتىناس ورناتقان. وتاندىق مادەنيەتتىڭ بىرنەشە تىلدە سويلەي بىلگەنى جاقسى ءۇردىس. ويتكەنى كوپتەگەن جۇرت، مىسالى، ءبىزدىڭ حالىق تا قازاقستان جايلى كوپ بىلگىسى كەلەدى.
www.khabar.kz