مۇحتار شاحانوۆتىڭ كەلبەتى - كەسكىن
1996 -جىلى قازاقستان رەسپۋبليكاسى حالىق جازۋشىسى، 1999 -جىلى قىرعىز رەسپۋبليكاسىنىڭ حالىق اقىنى اتاقتارىنا يە بولادى. 1961-65 -جىلدارى شىمكەنت پەداگوگيكالىق ينستيتۋتىندا ءبىلىم الىپ، وقۋدى بىتىرگەن سوڭ «وڭتۇستىك قازاقستان»، «لەنينشىل جاس» گازەتتەرىندە، وتاندىق تەلەۆيزيا، راديو، رەداكسيالاردا جۇمىس ىستەيدى.
1966 -جىلى كوپتەن كۇتكەن «باقىت»، 1968 -جىلى ادامگەرشىلىكتى ارقاۋ ەتكەن «باللادالار»، 1970 -جىلى «اي تۋىپ كەلەدى»، 1974 -جىلى «قىراندار توبەگە قونبايدى»، 1979 -جىلى «عاشىقتىق»، 1982 -جىلى «ماحابباتتى قورعاۋ»، 1988 -جىلى «عاسىرلاردى بەزبەندەۋ» اتتى جىر جيناقتارى جارىق كورەدى. 1984-1993 -جىلدار ارالىعىندا «جالىن» الماناعىنىڭ باس رەداكتورى بولىپ جۇمىس ىستەيدى.
«سەيحۋنداريا»، «كۇرەتامىردى ىزدەۋ»، «ارمان»، «شىڭ باسىنداعى وقيعا» سىندى ولەڭدەرى دە فيلوسوفيالىق وي تۇيۋگە تۇرارلىق. اقىن ولەڭ جازىپ قويماي، دراماتۋرگيا سالاسىنا ۇلەس قوسقان. وسىعان دەيىن «ماحاببات تاڭى»، «كوكەيتەستى»، «سەنىم پاتشالىعى» سىندى پەسالارى ساحنالانعان بولاتىن. مۇنىمەن قاتار، «ۋاقىت بەدەرلەرى»، «زەردە كىتابى» اتتى جيناقتارى ورىس تىلىنە اۋدارىلعان.
كەشە 13- ءساۋىر كۇنى قازاقستان ۇلتتىق تەلەارناسىنىڭ «كەلبەت» باعدارلاماسىندا ۇلتتىڭ ءبىر تۋار پەرزەنتى مۇحتار شاحانوۆتىڭ ءوز كەلبەتى بەرىلدى. ءبىز بۇگىن سونى ۇسىنىپ وتىرمىز.