ءىرى جىلان مەتامفەتامين دايىندايتىن جاسىرىن زەرتحانادا تىرشىلىك كەشىپ كەلگەن.
اۋاعا جايىلعان حيميالىق زاتتىڭ بولىكتەرى ونى ەسىرتكىگە تاۋەلدى ەتكەن.
بۇل قۇپيا ورىندى پوليتسيانىڭ اشكەرەلەۋىنەن كەيىن رەپتيليا قۇقىق قورعاۋ ورگاندارىنىڭ قولىنا ءتۇستى. ونى سيدنەيدەگى جانۋارلارعا ارنالعان ءىرى تۇرمە كەشەنىنە جىبەردى، دەپ جازادى Northern Star باسىلىمى.
ورتالىقتىڭ قىزمەتكەرى يەن ميتچەلدىڭ ايتۋىنشا، العاشقىدا جىلان ءوزىن وتە اگرەسسيۆتى(اشۋلى) ۇستاعان. وزگە پيتوندار ءتارىزدى تىنىش، باياۋ قوزعالۋدىڭ ورنىنا كەرىسىنشە ونى سالعان كونتەينەردىڭ ىشىندە توقتاۋسىز ورمەلەۋمەن بولعان. پيتوندى ەسىرتكىگە تاۋەلدىلىكتەن ارىلتۋعا تۋرا جەتى اي مەرزىم كەتكەن كورىنەدى. قازىر وعان جاڭا قوجايىن ىزدەستىرىلۋدە.