حالىقارالىق ۇيىم قىزمەتكەرلەرىنىڭ ايتۋىنشا، 2014 -جىلدان بەرى سودىرلار 117 جەتكىنشەكتى لاڭكەستىك ارەكەت ۇيىمداستىرۋعا يتەرمەلەگەن. ولاردىڭ دەنى قىز بالا بولىپ شىقتى. بيىلدىڭ وزىندە 27 جاسوسپىرىمنىڭ نيگەريادا قاستاندىق جاساعانى بەلگىلى.
ايتا كەتكەن ءجون، «بوكو حارام» نەگىزىنەن نيگەريادا ارەكەت ەتەتىن لاڭكەستىك توپ. ۇيىم جەندەتتەرى سونداي- اق كورشى نيگەر، چاد جانە كامەرۋندا دا شابۋىلدار ۇيىمداستىرۋدان تايىنبايدى.
فاتيما يبراھيم، يۋنيسەف وكىلى:
- جىل باستالعالى بالالاردىڭ قاتىسۋىمەن 14 شابۋىل تىركەلدى. قاسكويلەر ولاردى ۇيىمداستىرۋعا 30-عا جۋىق جاسوسپىرىمدى يتەرمەلەگەن. سودىرلار شابۋىلدار جاساۋ ءۇشىن ادەتتە تۇتقىنعا العان بالالاردى ماجبۇرلەيدى. كەيىن بۇل جاسوسپىرىمدەر ۇيلەرىنە ورالعاندا، قوعام تاراپىنان قىسىم كورەدى. «بوكو حارام» قاتارىنا قوسىلىپ جاتۋىنىڭ ءبىر سەبەبى دە وسى.
www.24.kz