اق ۇيدە وتكەن باسپا ءسوز كونفەرەنسياسىندا ترامپ ناتو- نىڭ تەرروريزممەن كۇرەستەگى ءرولىن قۋاتتاعانىمەن، اليانستى «يراك جانە اۋعاندىق سەرىكتەرىنە» كوبىرەك كومەك كورسەتۋگە شاقىردى.
ترامپتىڭ سوزىنە قاراعاندا، ناتو - «حالىقارالىق بەيبىتشىلىك پەن تۇراقتىلىقتىڭ تىرەگى»، ءبىراق ۇيىمنىڭ ەۋروپالىق مۇشەلەرى «وزدەرىنە ءتيىستى اقىسىن تولەۋى ءتيىس». ول ناتو- عا كىرەتىن ەلدەردى اليانسقا بولەتىن قارجىسىن كوبەيتۋگە شاقىردى. ترامپ سونىمەن قاتار ا ق ش- تىڭ «رەسەيمەن مۇلدەم تاتۋ بولا المايتىنىن» مالىمدەپ، قارىم- قاتىناستىڭ «بۇرىن- سوڭدى بولماعان دەڭگەيدە ناشارلاعانىن» ايتتى. ول رەسەي پرەزيدەنتى ۆلاديمير پۋتينمەن بايلانىسىن جاقسارتۋدان ءۇمىتتى ەكەنىن ءبىلدىردى. «نە بولعانىن كورەرمىز» دەدى ا ق ش پرەزيدەنتى.
سيرياداعى جاعدايعا كوممەنتاريي بەرگەن ترامپ «بۇل ازاماتتىق سوعىستى توقتاتىپ، تەرروريستەردى كۇيرەتىپ، بوسقىنداردىڭ ەلىنە ورالاتىن مەزگىلى جەتتى» دەدى. باسپاءسوز كونفەرەنسياسىنا سونىمەن قاتار ناتو- نىڭ باس حاتشىسى يەنس ستولتەنبەرگ تە قاتىستى. كونفەرەنسيا ءوتىپ جاتقان ۋاقىتتا ا ق ش مەملەكەتتىك حاتشىسى رەكس تيللەرسون ماسكەۋدە رەسەي پرەزيدەنتى ۆلاديمير پۋتينمەن كەزدەسكەن. كەزدەسۋدەن سوڭ تيللەرسون جۋرناليستەرگە ەكى جاقتى قارىم- قاتىناستىڭ «تومەن دەڭگەيدە» ەكەنىن مالىمدەدى.
http://www.azattyq.org