«لاتىن ءالىپبيى قازاقستانعا كەرەك. بۇل وتە دۇرىس قادام، سەبەبى بۇگىندە بارشا الەم لاتىن قارپىن پايدالانىپ ءجۇر. كەز كەلگەن گادجەت، ينتەرنەت، كومپيۋتەر، سونداي- اق اقپاراتتىڭ باسىم بولىگى لاتىن الىپبيىندە. ءبىزدىڭ باۋىرلاس ەلدەر، ياعني تۇرىكتەر، وزبەكتەر، تۇركىمەندەر لاتىنعا كوشكەنى بەلگىلى. مەن بۇل ۇسىنىستى قولدايمىن» ، - دەپ توقتالدى م. تايجان پارلامەنت ماجىلىسىندە تىلشىلەر ساۋالىنا جاۋاپ بەرۋ كەزىندە.
وسى ورايدا ول بۇل باعىتتاعى باستامانىڭ جۇزەگە اسۋىنا ەرەكشە ءمان بەرۋ كەرەكتىگىن اتاپ ءوتتى.
مۇحتار تايجان ۇكىمەت تاراپى لاتىن الىپبيىنە كوشۋ شارالارىن ءتيىستى دەڭگەيدە ىسكە اسىرۋعا قاۋقارلى بولاتىندىعىنا سەنىم ءبىلدىردى.
«وزبەكستاندا بىرنەشە جىل بويى ەكى الىپبيدە جازۋعا مۇمكىن بولدى. سوندىقتان دا وتپەلى كەزەڭ بولاتىنى بەلگىلى. جالپى لاتىنعا كوشۋ ءۇردىسىن دۇرىس دەپ سانايمىن» ، - دەپ تۇيىندەدى ءسوزىن قوعام قايراتكەرى.
ايتا كەتەيىك، ق ر پرەزيدەنتى نۇرسۇلتان نازاربايەۆ «ەگەمەن قازاقستان» گازەتىنە شىققان ماقالاسىندا لاتىن الىپبيىنە كوشۋدىڭ ناقتى كەستەسىن ازىرلەۋدى تاپسىرعان بولاتىن.
ەلباسى 2017 -جىلدىڭ اياعىنا دەيىن عالىمداردىڭ كومەگىمەن، بارشا قوعام وكىلدەرىمەن اقىلداسا وتىرىپ، قازاق ءالىپبيىنىڭ جاڭا گرافيكاداعى ءبىرىڭعاي ستاندارتتى نۇسقاسىن قابىلداۋ كەرەكتىگىن دە جەتكىزدى. ال 2018 -جىلدان باستاپ جاڭا ءالىپبيدى ۇيرەتەتىن مامانداردى جانە ورتا مەكتەپتەرگە ارنالعان وقۋلىقتاردى دايىنداۋعا كىرىسكەن دۇرىس دەپ سانايدى.
اۆتور: رۋسلان عابباسوۆ