كەزدەسۋ بارىسىندا ەلشى قۇرامىنا 1400 دەن استام جەتەكشى كومپانيالار، ونەركاسىپتىك بىرلەستىكتەر جانە ايماقتىق ەكونوميكالىق قاۋىمداستىقتار كىرەتىن جاپونياداعى ءىرى ىسكەرلىك فەدەراتسيا باسشىلىعىن ەلدەگى ىسكەرلىك جانە ينۆەستيتسيالىق احۋالدى جاقسارتۋ بويىنشا ق ر ۇكىمەتىنىڭ نەگىزگى جۇمىستارىمەن جانە ەكى ەل كاسىپكەرلەرىنىڭ تىعىز كووپەراتسياسىنا ارنالعان مۇمكىندىكتەرمەن تانىستىردى.
استانادا «ەكسپو-2017» حالىقارالىق مامانداندىرىلعان كورمەسىن وتكىزۋگە قازاقستان ەلشىسى ەرەكشە نازار اۋداردى.
ءوز كەزەگىندە «توراي ينداستري» جانە «حيتاچي» سىندى تانىمال جاپوندىق كومپانيالاردىڭ باسشىلىق قۇرامىنداعى ساكاكيبارا ق ر پرەزيدەنتى نۇرسۇلتان نازاربايەۆتىڭ 2016-جىلدىڭ قاراشا ايىندا جاپونياعا بارعان رەسمي ساپار ناتيجەلەرىنىڭ، اسىرەسە «كەيدانرەن» قۇرامىنا ەنەتىن جاپونيا ىسكەرلىك الەمىنىڭ كوشباسشىلارىمەن جۇرگىزگەن كەلىسسوزدەردىڭ ماڭىزدىلىعىن باسا ايتتى.
بۇل كەزدەسۋ ەكى ەلدىڭ ساۋدا-ەكونوميكالىق جانە ينۆەستيتسيا-تەحنولوگيالىق سەرىكتەستىگىنە ارنالعان جاڭا پەرسپەكتيۆالىق باعىتتاردى انىقتاۋعا مۇمكىندىك بەرگەنى اتالىپ ءوتتى.
سونىمەن بىرگە، جاپوندىق بيزنەس فەدەراتسياسىنىڭ باسشىسى قازاقستاندىق تاراپتىڭ حالىقارالىق مامانداندىرىلعان كورمەگە دايىندىق جۇمىستارىنا، قازاقستاننىڭ «ەكسپو-2017» ينفراقۇرىلىمىن ارى قاراي ءتيىمدى پايدالانۋ جوسپارلارىنا جوعارى باعا بەردى.