قازاقستاننىڭ ءبىرقاتار مەكەمەلەرى لاتىن جازۋىنا كوشىپ ۇلگەردى - عالىمجان مەلدەشوۆ
«بىرىككەن ۇلتتار ۇيىمىندا 6 ءتىل بار. ولار: يسپان، فرانسۋز، اعىلشىن، ورىس، قىتاي، اراب تىلدەرى. سونداعى ءۇش ءتىل لاتىن الىپبيىندە جۇمىس جۇرگىزەدى. وسىعان قاراپ، لاتىن جازۋىنىڭ الەمدىك ارەناداعى ورنىن باعامداۋعا بولادى»، - دەيدى ول.
عالىمجان مەلدەشوۆتىڭ ايتۋىنشا، بۇل جازۋ بىزگە تاڭسىق ەمەس، وتكەن عاسىردىڭ 30-جىلدارى قازاق حالقى لاتىن جازۋىندا وقىپ- جازدى. قازىر دە ءبىرقاتار مەكەمەلەر لاتىن قارپىن پايدالانىپ ءجۇر.
«ق ر ءى ءى م ت ج كوميتەتى ءوز حابارلامالارىن لاتىن جازۋىمەن تاراتادى. بانكتەر (قازكوم، قازاق بانكى) لاتىن قارپىنە كوشتى. بايقاساڭىز، كورەيا، جاپونيا ەلدەرى ءوز تىلدەرىن، ءوز جازۋلارىن پايدالانادى. دەگەنمەن، ونداعى تانىمال برەندتەر الەمدىك ستاندارتقا ساي لاتىن جازۋىن قولدانۋدا»، - دەپ اتاپ ءوتتى تىلدەردى دامىتۋ جانە قوعامدىق ساياسي جۇمىس كوميتەتى ءتوراعاسىنىڭ ورىنباسارى.
ەلباسى 2025 -جىلى لاتىن الىپبيىنە تولىق كوشەمىز، تۇتاس ەل مەملەكەتتىك تىلدە سويلەيدى دەگەن ويدى ايتتى. ع. مەلدەشوۆتىڭ پىكىرىنشە، بۇل تەكتەن- تەك ايتىلا سالعان جوق. 2018 -جىلعا دەيىن قازاق ءالىپبيىنىڭ جاڭا گرافيكاداعى ءبىرىڭعاي نۇسقاسى قابىلدانادى. ودان كەيىن جاڭا ءالىپبي ۇيرەتەتىن ماماندار مەن وقۋلىقتار دايىندالادى. ودان كەيىنگى جەتى جىل از ۋاقىت ەمەس، جەتى جىلدا لاتىن جازۋىنىڭ نەگىزى قالانادى.
«تىلدەردى دامىتۋ كوميتەتىمەن بىرگە، لاتىن ءالىپبيىن ەنگىزۋگە ەلىمىزدەگى ءبىرقاتار مەكەمەلەرى اتسالىسادى. اتاپ ايتقاندا، ا. بايتۇرسىنوۆ اتىنداعى ءتىل ينستيتۋتى، شايسۇلتان شاياحمەتوۆ اتىنداعى تىلدەردى وقىتۋ ادىستەمەلىك ورتالىعى جانە وڭىرلەردەگى مەملەكەتتىك ءتىلدى جانە ەتنوس تىلدەرىن وقىتاتىن 88 ورتالىق. سول مەكەمەلەر ارقىلى جاڭا ءالىپبيدىڭ بىرەگەي نۇسقاسى بەكىتىلىپ، ىرگەسى قالانىپ، وقۋ ورتالىقتارىنا تارالادى»، - دەدى ول.
اۆتور: ايجان سەرىكجان قىزى