ونىڭ جازۋىنشا، وبلىس اكىمى شۋحرات گانيەۆ ءوزىن ساقال وسىرگەنى ءۇشىن جۇرتتىڭ الدىندا بالاعاتتاعان دەپ حابارلايدى centralasian.org.
شەرزود مادامينوۆ بىرنەشە جىلدار بويىندا رەسەيدىڭ ءارتۇرلى مەيرامحاناسىندا كاسىبي بىلىكتىلىگىن ارتتىرعان. تىپتەن رەسەي پرەزيدەنتى ۆلاديمير پۋتين قاتىسقان شارالاردا ارنايى اس ازىرلەگەن ەكەن. ءبىراق ەلىنە كەلگەننەن كەيىن جۇمىسسىز قالعان. ول ەندى ۇكىمەت اسحاناسىندا جۇمىس ىستەۋدى ارماندايدى.
وعان «حالىقتىق قابىلداۋدىڭ» وكىلدەرىنىڭ ءبىرى نەسيە الىپ، ءوزىنىڭ جەكە كاسىبىن اشۋعا كەڭەس بەرگەن ەكەن.
«مەن قاتتى قۋانىپ، كەلىستىم. ءبىراق فەرعانا وبلىسىنىڭ اكىمى شۋحرات گانيەۆ ورنىنان تۇرىپ، ماعان جاقىنداپ، ساقالىمدى كورسەتىپ، «مىناۋ نە نارسە؟» دەپ سۇرادى. سوسىن ول «ساقالىڭدى الىپ، ادام سەكىلدى كەل، سول كەزدە عانا نەسيە الا الاسىڭ» دەدى. مەن قاتتى اشۋلانىپ، كەتىپ قالدىم»، - دەيدى شەرزود مادامينوۆ.
ول وسىدان كەيىن وبلىس اكىمىن سوتقا بەرگىسى كەلگەنىن، ءبىراق ءوزىن قورعايتىن ادۆوكات تابا الماعانىن ايتادى. «وزگە ەلدە ءجۇرىپ، مەنى بۇلاي ەشكىم بالاعاتتاماعان ەدى» دەيدى اسپاز.