بالقاش كولىندە ءىز-ءتۇزسىز جوعالعان بالىقشىلاردىڭ دەنەلەرى تابىلدى

قاراعاندى. قازاقپارات - قاراعاندى وبلىسى ت ج دەپارتامەنتى جەدەل- قۇتقارۋ جاساعىنىڭ قۇتقارۋشىلارى بالقاش كولىنەن ناۋرىز ايىندا ءىز-ءتۇزسىز جوعالعان بالىقشىلاردىڭ ءولى دەنەلەرىن تاپتى، دەپ حابارلايدى «قازاقپارات» ح ا ا ءتىلشىسى.

بالىقشىلاردىڭ دەنەلەرى اقتوعاي اۋدانىنداعى «كورس» تۇبەگىنىڭ وڭتۇستىك جاعالاۋىنان ءبىر شاقىرىم جەردەن تابىلدى. ەكەۋى دە بالقاش تۇرعىندارى بولعان. ولار 30 -ناۋرىزدان بەرى ءىز- ءتۇزسىز جوعالعاندار قاتارىندا بولدى. سول كۇنى ت ج دەپارتامەنتىنە تۋىستارى بالىقشىلاردىڭ ۇيگە ورالماعانىن، بايلانىس ۇزىلگەنىن حابارلاعان. «9 -ءساۋىر كۇنى 17:50-دە ت ج دەپارتامەنتى جەدەل- قۇتقارۋ جاساعىنىڭ ءتورت قۇتقارۋشىسى ەكى ەر ادامدى ءولى كۇيىندە تاپتى. جاعدايدىڭ ءمان- جايى انىقتالۋدا. 30 -ناۋرىزدان كۇنى كەشەگە دەيىن ەر ادامدار ءىز- ءتۇزسىز جوعالعاندار ساناتىندا ەدى»، - دەپ حابارلادى قاراعاندى وبلىسى ت ج دەپارتامەنتىنىڭ باسپا ءسوز حاتشىسى ايدانا ءجۇسىپ.