وسىدان بەس جىل بۇرىن تالىبتەر مالالاعا شابۋىل جاساعان بولاتىن. ولار مالالانى قىزداردىڭ ءبىلىم الۋ قۇقىعىن قورعاعانى ءۇشىن ولتىرمەك بولدى. باسىنان جانە موينىنان وق تيگەن 14 جاسار قىز دەنساۋلىعىن قالپىنا كەلتىرگەن سوڭ دا قىزداردىڭ ءبىلىم الۋىن بەلسەندى قورعاۋىن جالعاستىرا بەردى.
«مەن مالالانى ۇيىم تاريحىندا العاش رەت ەڭ جاس ب ۇ ۇ الەم ەلشىسى ەرتىندە تاعايىنداعانىمدى ماقتان تۇتامىن»، - دەدى انتونيۋ گۋتەرريش سالتاناتتى شارا بارىسىندا.
ەسكە سالا كەتسەك، 2014-جىلى مالالا يۋسۋفزاي بەيبىتشىلىك بويىنشا نوبەل سىيلىعىن العان بولاتىن. 2015-جىلى ول باس اسسامبلەيانىڭ مەرەيتويلىق 70- سەسسياسىندا ريم پاپاسىنان كەيىن ءسوز سويلەدى. ب ۇ ۇ- نىڭ الەم ەلشىسى مارتەبەسى ۇيىمنىڭ جۇمىسىنا حالىقارالىق قاۋىمداستىقتىڭ نازارىن اۋدارتۋعا كەلىسىمىن بەرگەن ونەر، مۋزىكا، عىلىم، سپورت جانە قۇقىق قورعاۋ سالالارىندا جەتىستىككە جەتكەن قايراتكەرلەرگە بەرىلەدى.
اۆتور: جانىبەك امانگەلدى