الماتىدا جىلىتۋ ماۋسىمى اياقتالدى

الماتى. قازاقپارات - الماتى قالاسىندا كەزەكتى جىلىتۋ ماۋسىمى اياقتالدى، دەپ حابارلايدى قازاقپارات ءتىلشىسى قالالىق اكىمدىككە سىلتەمە جاساي وتىرىپ.

 «الماتى قالاسىندا اۋا تەمپەراتۋراسى تاۋلىكتەگى ورتاشا تۇراقتى 8+ گرادۋسقا جەتكەندىكتەن 11- ساۋىردەن باستاپ، قالادا كەزەكتى جىلىتۋ ماۋسىمى اياقتالدى. الماتى قالاسى اكىمدىگى 2001 -جىلعى 23 - قاڭتاردا شىققان «قازاقستان رەسپۋبليكاسىندا مەملەكەتتىك جەرگىلىكتى باسقارۋ جانە ءوزىن ءوزى باسقارۋ» تۋرالى ق ر زاڭىنا سايكەس، «2016-2017 -جىلعى جىلىتۋ ماۋسىمىن اياقتاۋ» تۋرالى №2/106 شى قاۋلىسىن شىعاردى»، - دەلىنگەن حابارلامادا.

جىلىتۋ ماۋسىمىنىڭ اياقتالۋىنا بايلانىستى «الماتى جىلىتۋ جۇيەسى» ج ش س جىلۋ ەنەرگياسىنا تولەنەتىن تولەمدى قايتا ەسەپتەيدى. «2016-2017 -جىلعى جىلىتۋ ماۋسىمى بويىنشا تۇتىنۋشىلار قارجىسىن قايتا ەسەپتەۋ جانە قايتارىپ بەرۋ بيىلعى جىلدىڭ 1 - شىلدەسىنە دەيىن جۇزەگە اسادى»، - دەلىنگەن حابارلامادا.

اۆتور: الماس مۇقاش ۇلى