ەلىمىزدەگى ەڭ ادەمى ستيۋاردەسسا ەگىزدەردىڭ اناسى بولۋدى ارماندايدى - فوتو

 NUR. KZ وقىرماندارى Air Astana اۋە كومپانياسىنىڭ بورتسەرىگى اسەم كاكەندى ەلىمىزدىڭ ەڭ ادەمى ستيۋاردەسساسى دەپ تاپتى.

ەكىنشى ساتىعا Scat اۋە كومپانياسىنىڭ سۇلۋى ەللينا گادجيەۆا 26 مىڭ داۋىسپەن جايعاستى. ودان كەيىنگى ساتىلارعا سابينا بەردىبەكوۆا (7400 داۋىس)، كامشات ۇمبەتجانوۆا (2000 داۋىس)، ۆيولەتتا رەبرۋشكينا (1900 داۋىس)، البينا ەرلىك قىزى (1800 داۋىس)، ءبيبىنۇر قۇلباي (1500 داۋىس)، لاۋرا ابىدينوۆا (1400 داۋىس)، رەگينا گۋزايروۆا (1400 داۋىس) جانە داريا براۋن (1300 داۋىس) ورنالاستى.

بۇل بايگەگە وتاندىق QAZAQ AIR، Scat جانە Air Astana اۋە كومپانيالارىنان بارلىعى ون ارۋ قاتىسقان بولاتىن.

 ەلىمىزدىڭ ەڭ ادەمى ستيۋاردەسساسى بولىپ تانىلعان اسەم كاكەن الماتى قالاسىندا تۋعان. ول وسى ماماندىققا 18 جاسىندا ەڭ العاش ۇشاقپەن ۇشقان كەزدەن بەرى عاشىق ەكەن.

«سول كەزدەگى ادەمى، ءاردايىم كۇلىمسىرەپ جۇرگەن بورتسەرىك قىزداردىڭ ارى- بەرى وتكەن سايىن سەزىلەتىن فرانسۋز ءاتىرىنىڭ ءيىسى وسى كۇنگە دەيىن ەسىمدە. ءبىر قاراساڭ تەڭىز جاعالاۋىندا، بىرەسە تاۋ بوكتەرىندە، الەمنىڭ جەتى كەرەمەتىن تاماشالاپ، ءتۇرلى تاعامدار، ادامدار، ءار ەلدىڭ ءداستۇرىن كورىپ، بىرنەشە تىلدە سويلەۋ مەن ءۇشىن قول جەتپەس ارمان سەكىلدى ەدى. ەندى مىنە ءوزىم ەل تامسانا قارايتىن، ءارقاشان «بيىكتە» جۇرەتىن بورتسەرىكتىڭ ءبىرىمىن»، - دەيدى اسەم.

اسەمنىڭ باستى ارمانى - ەگىزدەردىڭ اناسى بولۋ. كەيىن ول باسىنان وتكەن قىزىقتى عۇمىرىن، ءتۇرلى وقيعالارىن كىتاپ ەتىپ جازۋدى ماقسات ەتەدى.



اسەم كاكەن