پارديس موحاممادتىڭ «بوسقىن» مارتەبەسىنە قول جەتكىزە الماي جۇرگەنىنە كوپ بولىپتى. ول ەندى وسى ماسەلەنى شەشىپ بەرۋىن ءوتىنىپ، «نۇر وتان» پارتياسى و ق و فيليالىنا باردى. ءبىر قىزىعى موحامماد ەلىمىزگە العاش كەلگەن جىلى «بوسقىن» مارتەبەسىن العان. كەيىننەن كوميسسيا بۇل زاڭعا قايشى دەگەن شەشىم شىعارىپ، قۇجاتتى قايتارىپ العان. ال كەزىندە «بوسقىن» مارتەبەسى قالاي بەرىلىپ كەتكەنى بەلگىسىز.
40 جاستاعى ازاماتتىڭ وتباسىمەن شىمكەنت قالاسىندا ءومىر ءسۇرىپ كەلە جاتقانىنا ەكى جىل بولعان. جيھاز قۇراستىرۋمەن اينالىساتىن ول، ەل قاتارلى ءومىر ءسۇرىپ كەلە جاتقانىن ايتادى. ونى مازالايتىن ءبىر عانا ماسەلە - «بوسقىن» مارتەبەسىنىڭ جوقتىعى. 2015 -جىلى ونىڭ قولىندا بۇل قۇجات تا بولعان ەكەن. كوشى- قون كوميسسياسى بۇرىنعى شەشىمىن قايتا قاراپ، اۋعانستاندىق ازاماتتىڭ بۇل ءجۇرىسى زاڭسىز دەپ تاپقان. ناتيجەسىندە كەلىمسەك ماڭىزدى دەگەن ءبىر جاپىراق قاعازىنان ايىرىلعان.
الايدا، موحامماد زاڭ قىزمەتكەرلەرىنىڭ شەشىمدەرىن ورىنداۋدان باس تارتىپ وتىر. ونىڭ بار ايتقانى وتباسىمەن قازاقستان رەسپۋبليكاسىندا ءومىر سۇرگىسى كەلەتىنى، ءوزى تۇرىپ جاتقان جەردى جان تانىمەن جاقسى كورەتىنى.
"جۇمىس ىستەسە، بالا- شاعام وسىندا وقىسا، حالىقتارى جاقسى. قازاقستاندى جاقسى كورەم"، - دەيدى موحامماد.
الايدا، ماماندار تاجىك ۇلتىنىڭ وكىلىنە زاڭعا باعىنىپ، اتالعان قۇجاتتاردى جيناپ كەلمەسە، ەلدەن ەرىكسىز تۇردە الاستاتىلاتىنىن ءتۇسىندىردى. ناتيجەسىندە ەلگە قايتىپ مۇلدە كىرگىزبەۋ تۋرالى شەشىم شىعۋى مۇمكىن ەكەنىن دە جەتكىزدى. الايدا، بوسقىن مارتەبەسىن الا الماي جۇرگەن ازامات نە بولسا دا وسىندا قالامىن دەپ بەكىنىپ وتىر.