فرانسياداعى ەڭ ەسكى اتوم ستانساسى قاشان جابىلاتىنى بەلگىلى بولدى
بۇل تۋرالى dw.com حابارلايدى. فرانسۋز ۇكىمەتىنىڭ قاۋلىسىنا سايكەس ستانسا فلامانۆيل ا ە س-ىندەگى جاڭا رەاكتور پايدالانۋعا بەرىلگەندە جۇمىسىن توقتاتادى.
جەكسەنبىدە جاريا ەتىلگەن قۇجاتقا سايكەس فرانسياداعى ەڭ ەسكى ا ە س 2019-جىلعا قاراي فلامانۆيل ا ە س- ىندەگى جاڭا ەنەرگوبلوك ىسكە قوسىلعان سوڭ جابىلادى. فرانسۋزداردىڭ EDF ەنەرگەتيكالىق كونتسەرنىنىڭ ديرەكتورلار كەڭەسى فەسسەنحايم ستانساسىنىڭ جۇمىسىن توقتاتۋ تۋرالى قۇجات فلامانۆيل رەاكتورى پايدالانۋعا بەرىلەردەن التى اي بۇرىن قابىلدانادى دەگەن شەشىم شىعاردى.
فرانسۋز بيلىگى قابىلداعان شەشىمدە وسى تالاپ ەسكەرىلدى. فلامانۆيلدەگى رەاكتور باستاپقى جوسپار بويىنشا 2012-جىلى ىسكە قوسىلۋى كەرەك ەدى، الايدا ونىڭ قۇرىلىسى كەزىندە ۇدايى كەدەرگىلەر پايدا بولىپ ول ءالى ىسكە قوسىلماي كەلەدى. فەسسەنحايم ا ە س- ءى 1977-جىلى پايدالانۋعا بەرىلگەن.
ول فرانسيانىڭ ستراسبۋرگ قالاسىنىنان 100 شاقىرىم، نەمىستەردىڭ فرايبۋرگ قالاسىنان 25 شاقىرىم، شۆەيتساريانىڭ بازەل قالاسىنان 40 شاقىرىم جەردە سەيسميكالىق جارىقتىڭ ۇستىنە ورنالاسقان.
فرانسيا، گەرمانيا جانە شۆەيتساريانىڭ قورشاعان ورتانى قورعاۋشىلارى ۇزاق ۋاقىتتان بەرى 40 جىل جۇمىس ىستەگەن فەسسەنحايم ا ە س- ءىنىڭ جۇمىسىن توقتاتۋ ءۇشىن كۇرەسىپ كەلەدى. ولار اتوم ستانساسى جەر سىلكىنىسى كەزىندە زارداپ شەگۋى مۇمكىن دەپ قاۋىپتەنەدى.