الەۋمەتتىك جەلى ارقىلى ديماشقا داۋىس بەرۋ بايقاۋ ناتيجەسىنە اسەر ەتپەيدى
دەپ حابارلايدى قازاقپارات ءتىلشىسى.
جوبانىڭ باعالاۋ تالاپتارىنا سايكەس، قاتىسۋشىنىڭ تاعدىرىن ءتۇسىرىلىم بارىسىندا زالدا وتىرعان 500 تىڭدارمان شەشەدى. ولار داۋىس بەرۋ ارقىلى سول كەزەڭدەگى ەڭ ۇزدىك ءانشىنى تاڭداپ، ەڭ از ۇپاي جيناعان ءبىر قاتىسۋشىنى بايقاۋدان شىعارىپ وتىرادى.
ءار اينالىمنىڭ قورىتىندىسى بويىنشا، 1-ورىننان 7-ورىنعا دەيىن رەيتينگ قۇرىلىپ، جوبادان شىعىپ قالعان 7-ورىنداعى ءانشىنىڭ ورنىنا جاڭا ءانشى قوسىلادى. ال ەكى كەزەڭنەن تۇراتىن فينالدىڭ ءبىرىنشى جارىس كۇنى 30 - ناۋرىزدا ءوز مارەسىنە جەتكەنىن حابارلاعان بولاتىنبىز. الايدا جارتىلاي فينالدا انشىلەر رەيتينگى قۇرىلمايدى، ەسەسىنە تىكەلەي ەفيردەن كورسەتىلەتىن اقتىق باسەكەدەگى جۇپتاسىپ ونەر كورسەتكەن ءار ءانشىنىڭ ەكى كەزەڭدەگى قورىتىندىسى بويىنشا جەڭىمپاز انىقتالادى.
بۇعان دەيىن حابارلاعانىمىزداي، داۋىس بەرۋ «Singer 2017» بايقاۋىنىڭ جارتىلاي فينالىنىڭ قاتىسۋشىلارىنا ارنالعان ساۋالناما. ونى اتالمىش بايقاۋدى تىكەلەي جانە ينتەرنەتتە كورسەتۋگە رۇقساتى بار ءۇش ۆيدەو- حوستينگتىڭ ءبىرى- قىتايلىق 爱奇艺 (iqiyi.com) سايتى تىڭدارماندارىنا ۇسىنىپ وتىر. بۇل ساۋالناما ونەرپازداردىڭ بايقاۋداعى ۇپايلارىنا ەش اسەر ەتپەيدى.
ەسكە سالا كەتەيىك، 8 - ساۋىردە حۋنان تەلەارناسى «Singer 2017» ءان بايقاۋىنىڭ جارتىلاي فينالىن كورسەتتى. ديماش يتاليالىق ءانشى ادريانو چەلەنتانونىڭ «Confessa» انىنە «5-ەلەمەنت» كينوسىنىڭ «The diva dance» - ءتى قوسا شىرقادى. ال 15 - ساۋىردە وتانداسىمىز بايقاۋدىڭ اقتىق سىنىندا قىتايلىق تانىمال ءانشى شاڭ ۆەنجەمەن بىرگە ءان شىرقايدى.
اۆتور: مۇحتار قاليموللا ۇلى