فيليپپين پرەزيدەنتى قىتاي تەڭىزىندەگى داۋلى ارالدارعا اسكەر ورنالاستىرۋدى بۇيىردى
16:13, 09 - ءساۋىر 2017
استانا. قازاقپارات - پرەزيدەنتى رودريگو دۋتەرتە وڭتۇستىك قىتاي تەڭىزىندەگى داۋلى ارالدارعا اسكەر ورنالاستىرۋ تۋرالى بۇيرىق بەردى. بۇل تۋرالى «فرانس پرەسس اگەنتتىگى» حابارلادى.
دۋتەرتە وسىعان قاتىستى «بارلىعى بۇل ارالداردى الۋعا تالىپىنىپ وتىر، سوندىقتان ەشكىم يەلەنبەگەن جەرلەرگە ءبىزدىڭ قونىستانعانىمىز دۇرىس بولار» - دەدى.
ال ماسەلە وسى ايماقتاعى پاراسەل، سپراتلي ارالدارى جانە سكاربورو سۋ جارتاسىنا قاتىستى بولىپ وتىر. بۇل جەرلەرگە قىتاي، ۆەتنام، برۋنەي جانە مالايزيا ەلى تالاسىپ وتىر. اسىرەسە داۋ وتكەن جىلى گااگاداعى حالىقارالىق اربيتراج قىتاي ەلىنىڭ بۇل ارالدارعا تاريحي قۇقىسى جوق دەگەن شەشىم شىعارعاننان كەيىن ۋشىعا تۇسكەن. ويتكەنى قىتاي وندا اسكەري نىساندار تۇرعىزا باستاعان. سوندىقتان پەكين اربيتراجدىڭ شەشىمىن مويىندامايتىنىن مالىمدەگەن.
www.24.kz