قازاق بوكسشىسىنىڭ قارسىلاسىن باپكەرى ورتاعا ورامال لاقتىرىپ قۇتقارىپ قالدى

استانا. قازاقپارات - قازاقستاندىق كاسىپقوي بوكسشى رۋسلان ماديەۆ كەزەكتى ايقاسىندا (9-0, 3 ك و) ەكىنشى راۋندتا جەڭىسكە جەتتى، دەپ حابارلايدى قازاقپارات ءتىلشىسى.

ول امەريكانىڭ كاليفورنيا قالاسىندا جەرگىلىكتى بوكسشى ەۆينتسي ديكسونمەن (7-12-2, 2 ك و) جۇدىرىقتاسىپ، ەكىنشى راۋندتا جەڭىسكە جەتتى.

التى راۋندقا جوسپارلانعان جەكپە-جەك بار جوعى ەكى راۋندتا مارەسىنە جەتتى. قازاقستاندىق بوكسشىنىڭ جۋان جۇدىرىعىنان وڭباي تاياق جەگەن ەۆينتسي ديكسونى جاتتىقتىرۋشىلارى شارشى الاڭعا ورامال لاقتىرىپ، قۇتقارىپ الدى.

بۇل رۋسلان ماديەۆتىڭ كاسىپقوي بوكستاعى توعىزىنشى جەڭىسى. ونىڭ تورتەۋىن ۋاقىتىنان بۇرىن اياقتاعان.

اۆتور: كۇنسۇلتان وتارباي